محدن يلوم اللي يبي شوفة .. امـه

[ابونواف التميمي]

هذي القصيدة لها قصه معي وهو ما دعاني اكتب القصيده ..
كانت جدتي الله يطول بعمرها في الشرقية وكانت خالتي ( اللي هي بنتها ) ملازمتها ... ومع بداية الدر اسه اضطرت خالتي ترجع لبيتها عشان المدارس .. وأول ما دخلت بيتها كتبت كم بيت عن أمها ومدى اشتياقها وان الديره من دونك ولا شي ... طبعا الأبيات وصلتني من دون ما تدري فكتبت هذه القصيدة وأرسلتها لها ..

..


يا خالتي يومــك تقــــولين .. يمــه
................. مـا لـوم قلبكـ لــو كـتبـتي دواوين


محدن يلوم اللي يبي شوفة .. امـه
................... لـو هي دقيقـه غايبه تبكي العين


واللي مسح دمعه على اطراف كمه
................... يقول ويني ... ياهلي .. والفرح وين


مهتم .. ضايق .. والصدر فيه .. غمّه
.................. ماهيب غمة من شكى لوعة الدين


حاولت .... الملم .. مــير ما فيه .. لمــــه
................... الشـوق بعثرني ... وسقت العناوين


يا بو لمـى .... قرّب لي الخط ..... وضمّـه
.................. خل المسافه بيننـا ... بس .. متريـن


وإلا .. ابــرسـل لــي سلامن .... وسمّـه
.................. لـ ميمتي عمشا .... عسى فالها الزين


...


وسلامتكم

بونواف التميمي

 

 

 

 

 

 

 

 

توقيع : ابونواف التميمي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]