قصيدة لشاعر الشيخ : ساير بن دغيليب القوس ( بعنوان : حنا عتيبه تشجعنا فعايلنا)

[روعة الاحساس]

بسم الله الرحمن الرحيم ........


هذه القصيدة لشاعر الشيخ: ساير بن دغيليب القوس


في شاعران من قبيلة عتيبه بعضهم يهجى بعض ويهجى القبيله

سر ياقلم واكتب الكــلمات بالفنـــا *** اقطف زهور المثايل من سنابلها
من هاجس يادَعيت امـواجهن جنا *** تموج الامواج والهاجس يجاولها
من ســـاير القوس غنا بالمثل غنا *** يختار ماختار ويِنفل نفايلها
لو كــان ماكان واللي كان يِزعلنا *** خطا خطا المخطيةكيف نتقبلها
توزم الـــوضع يــوم انا تــــهاونا *** ماطفيت نارها باول مراحلها
عــقالنا ماخـــذت بيدين جــــاهلنا *** ماتجهل الناس لين طيع جاهلها
القــــول منا وفــــينا قــــال قـايلنا *** تنقيب حدر الاظافر روس اناملها
ليدينهم عن عــيون القــوم يـعمـنا *** مانالت القوم نالت من حمايلها
تبـــا تفــــرق قــبيلتنــا وتــفـتنـــا *** قوالة القيل ماتحمد ظلايلها
يالله وانا طالبك تصلح مشـــاكلنـا *** وتشفي قلوبٍ غليلة من غلايلها
روقٍ وبرقا سوا والحــد حدلنــــا *** الجد واحد وفعل الطيب شاملها
حنا عــتــيبـــة تشجعنا فــــــعايلنا *** يوم القبايل تشجع من فعايلها
وحنا عتيبــــة على التاريخ مازلنا *** في قمة المجد باقيةٍ
منازلها
وحنا من الطيب وصل الطيب هو منا *** متورثينة تواليها من اولها
وحنا سلاطين نجد ليا زجر حـنا *** نروي السلايل لاعطشت سلايلها
هيلٍ تهايل مـــن القَبلة تـهايلنــــا *** مالت على نجد وفياضة تهايلها
نـــوٍ تقافت اخيالة مــــن مخايلنا *** طم الجبال الرواسي مع مسايلها
حـــدودنا مـن شمال الشام وايمنا *** زحنا جنوب القبايل عن شمايلها
ورست على مستوى القمة سفايلنا *** ماعاد تنحال لو كلٍ يحايلها
لو لان صم الحديد الصلب مالنا *** مثل الصخور الرواسي في تكتلها
من معدن الصلب ياعدة معـادنا *** من راس عدنانٍ من سلة تسلسلها
ولوطال روسٍ طويلة ماطاولنا *** ياجات مع روسنا يقصر تطاولها
كم حاكم ٍشن غارات العدا شنـا *** يوم اصطف نجد في صولات صايلها
كم مرةٍ قاد جمعة وانهزم عنــا *** ذبحت جنودة وزلزل به تزلزلها
وصولاتنا ترعب العدوان ياصلنا *** يانقضت نجد للعاشق جدايلها
قبيلـة فــالمـــلاقـــــا ماتقــــابلنا *** الابحلف تحالف به قبايلها
منا و فينا نجـــوم الليــل يبدلنا *** كواكب فالدجا يشعل شعايلها
وان كادنا كيد بالمــولى توكلنا *** وليا احتكم عقدها من فتل فاتلها
نحيا بعز الكرم ونمـوت ماهنا *** ونبيع الاعمار ياوصلت صمايلها
بصوارم في يمانينــا يُشوقـــنا *** بمصقلاتٍ جماه الروس تاكلها
السيف والرمح بالرفقة عميللنا *** عملة عميل تربح في تعاملها
عميلنا ياصفا وان زان اله زنا *** وان شان مر على كبده ملايلها
وحنــــا ذرا للمخيف اليا تزبلنا *** في حصن محصون عن زلات عايلها
عن كاهلة ننقل الحمل وتحملنا *** وليا بدا قالةٍ عنه نتحملها
ولو تحتكم دونه الاسباب ماسلنا *** دون المجنى نبيع الروح بأكملها
لضــــيوفنا فالقسـا نذبح عدايلنا *** في شح الاسعار ياقلة وسايلها
والجار يكرم بجانبنا ويامــــنا *** في راس عيط تضلل عن قوايلها
نعامله من حدانا في تعاملنـــا *** ونذلل النفس لإكرامه نذللها
هذاه نبذه من الماضي وحاضرنا *** ناخذ من الفيض شي من قلايلها
وصلاة ربي عدد ماجن واقفنا *** على النبي عد ماقيلت مثايلها




وســــــــلامتكم

 

 

 

 

 

 

 

 

توقيع : روعة الاحساس

لك مهرةٍ مـن بـد الأزوال تهـواك ولاغير شخصك فاز و ارخى رسنها علمتها تلعب علـى الكيـف ويـاك وروضتها ولاغير شخصـك فتنهـا امحجلـه تـورد عـدوك لـلأدراك

[ماجد الشيباني]

هلابك روعه واشكرك على التواصل العذب
والطرح الجزل والأبيات المميزه
والنعم بالقبايل كلها
وصح لسان قايلها
تحياتي

[روعة الاحساس]

هلابك العفوووووووو منور الموضوع ومنور المنتدى بتواجدك الاروع حضورك الاكثر من راىع ماعليك زود

[روعة الاحساس]

هلافيك اخووي ماجد الشيباني منور المنتدى بتواجدك وتشرفت بمرورك الرىع لاعدمتك

[حوريه مغرمه بشعرابن فطيس]

تسلم يمناك ع النقل ولاهنتي ياعسووله

[روعة الاحساس]

تسلمين يالغلا لاعدمتك تشرفت بمرورك