مثل الصباح #شعر

[سااهر]

.
.
.

يطلع لك الطيب مثل طلعة سهيل
لاضيع الساري دروب بغاها

طلعة سهيل تبشر الناس بالسيل
يكفيك عن باقي النجوم بسماها

عليك في منصى الرجال الحلاحيل
اللي يحلون العقد من رشاها

جمال الحمول بحزة الثقل والشيل
ولا كل من هام الثقيله قواها

في حزة الشدة تبين الرياجيل
لازمك يكشف طيبها من رداها

مثل الصباح إليا فهق مشلح الليل
والشمس زاحت ظلمته في سماها

عليك باللي يذلل الصعب تذليل
لا قال كلمه في فعوله حماها

إليا جا اللزوم وشدو الحبل بالحيل
يحلها بالجاه وإلا شراها

هداج وان كان الزمن شح بالكيل
يمناه بالمدات جزل عطاها

لولا الفعول القول ماله محاصيل
ولا كل من هام الطويله رقاها
.
-
.
#شعر
عبدالرحمن الصالحي
.
.

 

 

 

 

 

 

 

 

توقيع : سااهر

[ريف الصبا]

لولا الفعول القول ماله محاصيل ولا كل من هام الطويله رقاها

ابيات نالت ع اعاجبي صح لسان شاعرها

لاهنت سااهر🖤