قصيده جديد

[حمد بن محمد المري]

تهتوي شعر الغزل بين القصايد
الهنوف اللي بها زينٍ .. مغيّر !!

تنعسف لـ عيونها جزل الشرايد
والشعر في زينها الفاتن ، يضيّر

والله اني فيش يا غصن الجرايد
ما اتوب أمن الشعر ، ولا اتحيّر

الشعر في غير وصف الزين بايد
خُص في وصفش ترا ماهو يعَيَّر

جوع خصر ومن تحت كثر الزوايد
والعيون وساع و المبسم صغيّر

والجديل اسود على المتنين جايد
والخشم سيفٍ و له نهدٍ كبيّر

تستثير الوصف من بين النشايد
من يشوفش قال لش خشفٍ مذيّر

ودي اني حول سور البيت حايد
أكحل العينين في شوفش واسيّر

كل يوم بطلتش يُحسب معايد
وكل يوم بغيبتش يومً مشيّر !

من جمالش ينقتل شيخ البدايد
ومن حنينش كل موضوعً يسيّر

والشديد اللي يوّكل ، للشدايد
لو يشوفش فارعه نومه يطيَّر

بنت شيخً للوغا و الحرب قايد
فارسٍ ماهو على الذل ايتخيّر

الكرم والطيب صارت له ،عوايد
في دروب المرجله لا ما تغيّر

جعلني وياش ما نصبح بعايد
لو غدا تال العمر ماهوب خيّر

الشاعر حمد بن محمد المري

 

 

 

 

 

 

 

 

توقيع : حمد بن محمد المري

ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا