قصيده للشاعر/ معتز بن شليويح العتيبي.

[سفير نجد]

السلام عليكم ورحمة الله وبركاته ......هذي قصيده .....


للشاعر/ معتز بن شليويح العتيبي ......
واليكم القصيده..........

وجداه ياشوف البكار المصاغير
وضح عليهن من يسار العطاوي
وضح لها عندي معزه وتقدير
تسوى من الدنيا كثير المناوي
والمطرقين الي عليها مشاهير
تحمى جوانبها على كل غاوي
تلقابها بقلوب هالناس تأثير
يخافها الطيب كثير العزاوي
ذوي عطيه كلبوهم مناعير
رجالهم من دون ربعه فداوي
بالطيب يرسي مثل مايرسي النير
وعلى حياض الموت تلقاه ضاوي
بالشلف ولا بالسيوف البواتير
من كف شغموم بعيد الهقاوي
يشبع بجرتهم طيورن كواسير
وذيبن سرا في تالي الليل عاوي

يوم السنين الاوله والمعاسير
دخيلهم يامن ولوهو جلاوي

قصيرهم يامن ويلقابهم خير
وعدوهم يلقا العنا والبلاوي

والبل مشاهدها يجيب التباشير
فقير لاكني بذودي غناوي
يازينها وقت الحياء والمخاضير
في روضتن فيها النبات متساوي
في روضتن فيها الزهر والنواوير
يطربلها منهو على الطيب ناوي
نتبع هواها كل يومن على السير
مساند ولا مشيهنه نحاوي
تبغاء الفياض الي بها غرد الطير
الي تكيد اهل البلد والشواوي
يازين شبة نارنا حزة عصير
في خايغ قفر بعيد خلاوي
مع جالها خمس الدلال المباهير
فنجالهن لعماس راسي يداوي
وليا ثبتنا ثم لفونا المسايير
بوجيههم خير مع الوقت ضاوي
ليا صك فالمجلس وجيهن مسافير
مافيه لاعذرن ولابه مراوي
نحسب لواجبهم ولابه معاذير
نذبح ونفني كل مرح الشواوي
حنا عتيبه من سنين معاسير
رجالنا وقت الشدايد قساوي
كم جمع قومن راح عنا مدابير
من جمع قوم مكسرين العزاوي






نتمنى أنكم قد استمتعتم بهذي القصيده .....

 

 

 

 

 

 

 

 

[٪ مره بقلب رجل ٪]

عليكم السلااااااام وحيااااااك أخي سفير نجد
صح بوووح الشاعر ويستاهلون لابته المدييييح
تقديري وإحترامي لـك

[سفير نجد]

شكرًا يا مره بقلب رجل وصح بدنك .