مـن ردا الوقـت صابـك [ يالمـجَـرّب ] ردا ..

[عزيز نفس]

.
[ السفـر ] .. سِكـة اللـي راح عمـره سُـدا ..
لا حصلّـه [ مقـام ] ولا حصلّـه [ مقـيـل ] ..


ضيّـع [ النفـس ] آمانيهـا .. وحلـم ٍ غـدا ..
والطمـوح إستـوى لـ[ الطامحـه ] مستحيـل ..


يا [ خوي المسافـة ] .. وش حصيلـك عـدا ..
مهمـه الليـل .. وعيـونٍ تخـيـل وتسـيـل ..

كـل مـا لاح بـرق ٍ فـي سمـاك .. إبـتـدا ..
[ حادي البعد ] يشعـب لـك ركـاب الرحيـل ..


ظالـم الحـظ .. وأكثـر مـن ظـلام الـمـدا ..
كيف حطّـك بوجـه [ المهمهيّـه ] .. دخيـل ..


مـا بقـا لـك رفيـق .. ولا بقـا لـك عِـدا ..
غيـر درب ٍ علـى جنبيـه .. مـات النخيـل ..


مـن ردا الوقـت صابـك [ يالمـجَـرّب ] ردا ..
وإنـت يمنـاك .. عيّـت لا تـمـدّ القلـيـل ..


صافـح [ الغيـم ] كفّـك .. ثـم تساقـط نـدا ..
عادتك .. ما تبعت المـد ّ .. [ مِنّـة بخيـل ] ..


سقـت روحـك علـى شـان المبـادي فِــدا ..
وكـل مـر ٍ تجرعـتـه .. بــدا سلسبـيـل ..


ما لصوت [ الضـواري ] وإن عرضلـك جـدا ..
صوتك اللي يهابـه .. كـل [ عابـر سبيـل ] ..


فيك .. من ضيّعتـه [ الموضيـات ] .. إهتـدا ..
كنّك [ سهيـل ] طـول العـام .. فيـك الدليـل ..


لبْستّـك الليالـي .. [ ضيـم أهلـهـا ] .. رِدا ..
وأصطفتك المواجع .. وإنـت [ رجـلٍ ثقيـل ] ..


كل جنب ٍ مهوب [ جنبـك ] .. غشـاه الصـدا ..
وغير [ باعك ] لحقه قصور .. لو هـو طويـل ..


أصدق الحزن .. [ حزنـك ] .. لاتعـذل الحـدا ..
جاوِبْ الريـح فـي [ تنهيدتـك ] .. يـالعليـل ..


وإن جفتـك [ المسافـه ] .. لا تلـوم الـمـدا ..
ضفّ عزمك .. وزمّ النفس .. وإنسا [ الرحيل ] ..