مع السلامه ،، اقدر اعيش وانساك

[متعب الثقيل]

مساكم الله بالخير

والله ماتستهويني المقدمات ،، وماحبها ،،

متواضعه ، وأقبلوها بقصورها

،،،،،،،،،،،،،،،،،،،،،،،،،،،،،،،،،،

ياللي تهددني في بعدك وفرقاك
درب الجفا واضح طريقه ، وسالك



مع السلامه ،، آقدر آعيش وآنساك
مانيب ميت ،، لو تشح بوصالك



ترى جمالك ، مايكفر خطـــــاياك
لاتلوي ذراعي ، بحجة جمـــــالك



لاوعي عندك فالمحبه ولا إدراك
تفكيرك اللامنطقي ، من خيالك



حاولت آداري خاطرك واطلب ارضاك
وآشيل همك ،، بس يرتاح بالك



ياللي دروبك فالهوى صارت اشواك
وش غير آطباعك وش اللي جرالك



آغفى على شاطي غرامك ، ومرساك
وآصحى وانا عطشان حبك ، وهالك



أسقيتني مـُر المواجع ،، بيمناك
وآسقيت غيري ، من عذوبة زلالك



أول لقانا ،، بسمتك في محياك
وآخر هوانا ،، صار يكثر جدالك



تدري وش أصعب شي يحصل في دنياك ؟
لاصرت تعشق شخص يعشق بدالك



طعنه بقت لي ، من غرامك وذكراك
وأنت ، الوفا والصدق ، مني بقالك



ماعاد ابي شوفك وقربك ، ولاماك
وش عاد آبي ، والكذب أفضل خصالك



وان زارني ياصاحبي طيف ذكراك
بسدل ستار الحب ، وارثي وصالك


وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،

[عامر صالح ال شنيف]

صح لسان يا الثقيل ولاهنت

[متعب الثقيل]

مشكله ، ماتقدر تعدل فالمشاركه ،،

عندي غلطه مطبعيه ،، وماقدرت أعدلها ياليت أحد المشرفين يعدلها ،،

كلمة ذكراك تكررت مرتين ،،

اخر بيت يقول وأن زارني ياصاحبي طيف ذكراك

ياليت يتعدل ويصير وان زارني طيفك واذا مر طرياك

لاهنتوا
،

[الماسـه]

وربي انها ابداع ماشاء الله

صح لسانك متعب ابيات رائعة من شاعر اروع

احلأ تقييم ولاتحرمنا من دررك

الله يحفظك يارب

[يام بن يصبا]

صح بدانك أخ متعب وعلى الاخرى عانك
كلمات جميله جداً واهنيك على النسج الجميل
تحياتي لابداعك

يام بن يصبا

[امنيات]

يمسيك بالخير و الرضى
صح لسانك خووي و علا شآنك
أبيات جمييلة و مُعبرة
تقبل مروووري
بالتوفييق يااارب

[خالد العبيريد]

مساك خير ورضا ,,

اررحب يامتعب حياك الله ,,

صح الله لساانك وصح قلبك وكلك ودمت مبدع واعجابي في شاعريتك ماله حد ,,

الله يستر عليك من كل حاسد وفي انتظار المزيد .

[فارس الجهيمان]

الله الله الله

صح لسانك يامتعب ..

حقيقه مبدع من قصيده لاخرى

اهنيك على هذه الاستمراريه الرائعه ياجميل ..

[الهتلانيه]

متعب الثقيل صح السانك على هالابيات القمه ابدعت تحياتي لك

[habeeb alqurni]

اتعبت الشعراء بجزالتك يا .. متعب

صح الله لسانك