( يامل قلب ٍ كل ما هب نسناس )

[محمد بن عبدالهادي المري]

السلام عليكم ورحمة الله وبركاته


شحالكم عساكم بخير اخواني واخواتي وعساكم كلكم على مايرام


اجدد التواصل معكم بعد الغياب واتمنا ان تسمو الى ذائقة كل عضو من اعضاء هذا الصرح الشامخ







يامل قلب ٍ كل ماهب نسناس
ــــــــــــــــ جدد عليه الذكريات القديمه


يدك به مع كل نسناس هوجاس
ـــــــــــــ والعين فيها لازرق الدمع غيمه


قلب ٍ غدا من جور الايام حساس
ـــــــــــــ حتى هفاهيف الليالي تضيمه


اعوذ بالله غادي ٍ فيه وسواس
ـــــــــــــ ماعاد ميز صاحبه من خصيمه


دام الصداقه ما تكوّن على ساس
ـــــــــــــ ودام الخواطر والنوايا سقيمه


الله ياوقت التسامح والاوناس
ــــــــــــــ ماعاد به من ذكره الا نسيمه


حتى الهبايب صارت تخوف الناس
ــــــــــــــ الناس مرضى والهبايب غتيمه


دنيا العنا تمشي على غير مقياس
ــــــــــــــ الكذب سايد والحقيقه عديمه


يعني تجامل لو لحق خاطرك باس
ـــــــــــــــــ والا تعيش بدون قدر وحشيمه










وسلامتكم

 

 

 

 

 

 

 

 

[علي العنزي]

الله الله صح لسانك واعتلى شانك

انعشت القسم بحضورك وانعشت قلوبنا بابياتك العذبه


تحياتى لك محمد

[ورّاد]

صح الله لسانك يابوعبدالهادي
ابيات جزله تحكي الواقع

وفي إنتظار جديدك؛؛؛؛

[تذكار الغلا]

صح لسانك
ابيات رائعه
تسلم الايادي
ربي يعطيك العافية