حالي بدونك

[فاقده ابوها]

[align=center][tabletext="width:100%;background-image:url('http://www.m-f6es.com/vb/backgrounds/21.gif');"][cell="filter:;"][align=center]
((حالي بدونك))
ضاايقن بالي وظاقت بي الوسيعه
يوم عني تبتعد ياضي عيني
اشهد ان فرقاك لقليبي فجيعه
واشهد ان حالي بدونك صار شيني
احلف ابرب الملا محيي الشريعه
منزل التورات رب العالميني
ا نلك ابداخلي حبن مبيعه
ومرخصه لو كنز قاروون ابيميني
ومن عذلني في هواك والله مطيعه
ومستمع لقوالهم لو ينقدوني
والعواذل يبن جدي كالطبيعه
مالها صاحب وطايعها امهاني
ومن يباريها نهاياته شنيعه
تنقلب ظده ولا يلقى امعيني
ياخريف القلب ياصيفه وربيعه
ياشتى عمري وياغيمة سنيني
ياحياة الروح لك صوره بديعه
قد رسمها خالقي في وسط عيني
بك حنان وعطف واخلاقن رفيعه
مع صلابة راي ولسانن فطيني
وبك موده والدن كلن يطيعه
ولجل عينك مرخصين اغلا الثميني
هذي ابياتي ترى ماهي خديعه
وكل حرفن في قصيدي له معاني
_-------------------------------------------------------_

فــــــــــــــــاااااااااقده
[/align][/cell][/tabletext][/align]

 

 

 

 

 

 

 

 

توقيع : فاقده ابوها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] يا قبر أعز إنسان غالي رقد فيك0000خفف عليه من التـراب الثقيلـي يا قبر ماني طيب عقب راعيك0000اللي رعاني صار عندك نزيلـي أغليك أنا يا قبر من حب راعيك0000مرحوم يا راعي الوفا والجميلـي ياللي سكنت القبر صوتي يناديك0000موتك جرح قلبي وهديت حيلـي ما أنساك والله لين قبري يوازيك0000وأعلن من الدنيا العريضه رحيلي (( بنــــت ياااااااااااااام ))

[خالد العبيريد]

اررحبي ياهلا يافاقده ابوها ,,

الله يجعلك تلتقين به في جنة الفردوس ,,

صح الله لساانك وصح قلبك وكلك ولاهنتي ,,

فالك التوفيق الدائم إن شاء الله ,,

تقديري وتحياتي لك.

[الماسـه]

فاقده صح لسانك خيتي
انا ابتعد عن قصائدك اعرف انها تحزني
بس والله انك مبدعه الله يحفظك يارب
واحلا تقييم لك مني وتستاهلي اكثر

[هوى الغربي]

بيض الله وجهك انشهد شهاده


ابدعتي يا اختي في ابياتك وقصيدتك
وبصراحه فيها اخطاً طبيعيه جداً جداً في القافيه .. لازم تلتزمين فيها .. ولازم تقرين عن القوافي كثير هذا من شان مستقبلك يامبدعه

انتِ كتبتي قصيدتك على قافية ثلاثيه-- ثلاثيه الصدر على (يعه) كلهاا تمام لكن العجز على ( يني) وما التزمتي فيه بشكل كامل نقضتي في كلمة ينقدوني مهاني معاني <- هذي الكلمات بقافيه ثلاثيه مختلفه اللي هي قافية اني اني اني -- ثاني عاني جاني شاني سلطاني.... الخ حاولي تنتبهين لهالشي وبعطيك مثال لقصيدة ابو حمد الضيقه اللي دايمن طالي عصير

الضيقة اللـي دايـمٍ تالـي عصيـر
...وش حيلتـي وأردهــا لا تجيـنـي
لا طال ظل العود حزة عشـى الطيـر
....كنها على سجـن الحديـد تحدينـي
يضيق صدري كل ما جـات وأسيـر
....ولايخفـف سـوج رجلـي حنينـي
لا حولنا مشـراف ولا اقـدر اطيـر
....يالله قسـمـة خـيـر لا تبتليـنـي
وعقارب الساعة توقف عن السيـر
....ولاكن في الدوحة سواتـي حزينـي

ولو تكملين القصيده بتحصلين ان الابيات كلها على قافيه ثلاثيه (يني) فوق اكثر من عشرين بيت

ابياتك قمه بس لو انها سلمت من الاخطا الاملائيه والكتابه كان ازدادت جمال

هالشي ما يعيبها الترتيب معهم من أجل ان تظهر بصورتها الحقيقيه وما يأثر عليها عذروب بسيط على القارى او المتلقي اوالمتذوق

اشكرك امتعتيني للامانه وقصائدك بصراحه لها مذاق خاص وانا متابع لك من قبل في شعراء المستقبل والان في هالقسم لله درك وللأمانه لو ما عندك موهبه حقيقيه كان ماوجهتك ولا تابعتك لكن حنا هنا نساعدك علشان تستمر هالموهبه وتعطي اكثر وتمتعنا كل مره بجديدها

لاهنتي

هذا تعديل على بعض الابيات والقافيه واعذريني على التعديل والتغيير وهو من باب الايضاح لا المساس بشموخ القصيده وروعة فكرتها وصاحبتها

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ضاايق ن بالي وضاقت بالوسيعه=يوم عني تبتعد ياضي عيني
اشهد ان فرقاك لقليبي فجيعه=واشهد ان حالي عقب فرقاك شيني
احلف ابرب الملا محيي الشريعه=-منزل التورات رب العالميني
ان حبك في فؤادي ما ابيعه=ومارخصه لو كنز قارون بيميني
ومن عذلني فيك والله ما اطيعه= ولا اتوحى في وشايا عاذليني
والعواذل يا ابن جدي كالطبيعه=مالها صاحب وطايعها مهيني
ومن يباريها نهاياته شنيعه=تنقلب ضده ولا يلقى معيني
ياخريف القلب ياصيف وربيعه=ياشتى عمري وياغيمة سنيني
ياحياة الروح لك صوره بديعه =قد رسمها خالقي في وسط عيني
بك حنان وعطف واخلاق ن رفيعه=مع صلابة راي ولسان ن فطيني
وبك مودة والد ن كلن يطيعه =ولجل عينك للسهر جفني رهيني
هذي ابياتي ترى ماهي خديعه = وكل حرفن فيك يالغالي ثميني

[/poem]


اعذريني على بعض التعديلاات انا ماني شاعر ولا ناقد ولكن احاول اقدم لك شي ولو بسيط يفيد الموهبه اللي عندك

موفقه خير يا اختي فاقده ابوه وصح الله لسانك على هالابداع