لعنبـــوهــا

[ثامر العنزي]

اولى مصافحي

ياناشدن عن حال حالي ترى حال...

...رجلن فقير ومبتلش في ضيوفه


واللي بجيبه حزمت اهموم وريال...

...مقطوع خايف لاحد انه يشوفه


حده زمانه وبتلش بين الاحوال...


ماغير يدعي ثم يصفق كفوفه


....هذا ترى حالي وانا سالي البال


انسان تايه بين حزنه وخوفه....


اسمه سعودي يلبس اشماغ وعقال

لكن ظروفه لعنبوها ظروفه


....عايش مابين الهم لا عم لا خال


محدن لمس كفه وهامز كتوفه.....

...يشره على ياليت والحلم والفال


ويقول باكر جعل به ما يحوفه....


...واليا لافى باكر بكاء زيف ومحال


ليله طويل وشمس حظه كسوفه....

...ذنبه نما في وقت خاين ومحتال


وكلن على زادهـ مضمن سيوفه....


هذا ملى كرشه بتغسيل الاموال


وهذا سرق من درج عمه وشوفه


يعني زمانن تنقتل فيه الابطال....


....ولا الردي عايش بحـالن تروفه


دنيا تهين الحر في عصر الانذال....

...قصت جناحه والمصايب تطوفه


حسبي عليها حطمت كل الامال....

...حالي غدا مسرح وترسم بروفه


ابكي من البارح وانا اليوم لا زال....


...دمعي يهل ولا احدن له يلوفه


هذا ترى حالي وانا سالي البال....


انسان تايه بين حزنه وخوفه


اسمه سعودي يلبس اشماغ وعقال


لكن ظروفه لعنبوها ظروفه



ثامر العنزي

 

 

 

 

 

 

 

 

توقيع : ثامر العنزي

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من قآل: بن كل العذارى سواسي=لي عذرتـ(ن) مآجآبهآ غير رجآل عن غيرها: لا شك مالد راسي=مهما: عيوني شافت قصار وطوال [/poem]