مرثية في عمي ناصر بن العلاج (سويد) رحمه الله

[مسفر بن العلاج العرجاني]

هذه أبيات جادت بها القريحة بدافع الألم رثاء في عمي ناصربن مسفر بن العلاج العرجاني المعروف بـ(سويد) رحمه الله المتوفى يوم الإثنين 16/7/1431هـ وذكرت فيها أخي الصغير فهد الذي يسأل عن عمه باستمرار ولا يعرف حقيقة الأمر لصغر سنة حيث يبلغ من العمر سنتين وثلاثة شهور:

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ألا يافهد لاعاد تنشد وأنا موجود=جوابي بعيد وعبرتي لاتباعدها
سؤالك جوابه من حوالي شهر مفقود=وترى بعض الاشياء ترجع لجيب فاقدها
ولكن بعضها لويجي في سنينك زود=بعيدن عليك تجيبها لو تصمدها
ماتاجد سوى قبرن تدلك عليه حيود=يكر اللهايب في ضميرك ويوقدها
أظهرت الركاده لك ولا في حشاي ركود=بحورن تلاطم والصبر مايركدها
وكن درب صدري عن صدوف الدهر ملدود=وهويعبره صلف الصواديف وأقردها
ياليته فدا عمك ،(ربيب النوايا السود=صكوك الضغينة كل يومن يجددها
صفاته حريد العجز ومنابش المقرود=ومن ريع ابن سفران نفسه يرددها
ابليسن يزين له ويضحكه ضحك قرود=وخدمته في شل النمايم يمددها)
من عمك يابعده بعد الاعجم عن المارود=وبعد انشراح النفس عن ما يبجدها
ألا وابو مسفر منبعن من منابع جود=رجالن صناديد القبايل تمجدها
من اللابة اللي جارهم ماهو بمضهود=ووطى الرقاب القاسية من عوايدها
من اللي لهم ذكرن مشا مع هبوب النود=حرارا مع الغارات حمرن صوايدها
الايابو مسفر ياصميدع عريب جدود=كريمن طباعه عز نفسه مقندها
فلا جمعتن عنده سوى للشحم والعود=ولا كلمتن تبحث خفا الجار عامدها
شجيعن كريم صادقن واضحن معدود=لمن الليالي القاسية قلطت يدها
قوي الفهم والعرف مادربه بمسدود=يذب الطريق المتعبة ويتعمدها
وزهد في حياته مانفخها بكبر وزود=مايحسب رخا الازمان ولا تشددها
فقدناه،لكن كلن ليومه الموعود=وذي سنة الدنيا عنيفن تمردها
عساه بجنان الخلد في ظلها الممدود=مع خيار الأمة وشهداها وسيدها[/poem]
[align=center]مسفر بن حمد العلاج العرجاني[/align]

 

 

 

 

 

 

 

 

[عيوني حزينه]

يامرحبا يامسفر


يشرفني اكون اول من رد


شاعر ولا فيك حيله يالجزل


صح لسانك يالقرم والله يرحم عمك ويسكنه جنات النعيم


وعسى الله يصبركم على فقداكم ويعوضكم بفهد سند وذخر ان شاء الله


لاهنت على هالمرثيه ..


لك تحيه يالغالي

[فيصل بن عبدالعزيز]

لا فض فوك يامسفر . على هالمرثيه .. ورحم الله موتاكم وموت المسلمين .. وعوضكم الله خير والله يجمعني فيك وفي عمك في جنات النعيم .. قصيده نابعه من احساس مرهف .. احييك عليه فحين قلت يا مسفر أظــهــرت الــركــاده لــــك ولا فــــي حــشــاي ركــــود...بــــــــحـــــــــورن تـــــــــلاطـــــــــم والــــــصــــــبــــــر مــــايــــركـــــدهــا.. ياعزي لحالك يامسفر والله يصبرك يالغالي ويعوضك خير .. هذا حال الدنيا وهذي سنة الحياه .. وكما قال شاعرنا محمد بن فطيس .. تفرح بمولودك وتدفن قريبك .. رحم الله عمك واسنكه فسيح جناته .. تقبل مروري واعجابي بشعرك .. لك تحيه طاهره كطهرك

[ألاداره]

صح لسانك أخوُي مسفر..وأبيات لا يجيدها إلا شاعر كبير

لاهان نبضك..وسلسبيل إحساسك

وآلله يرحم فقيدكم..ويجعل مثوآه الجنه


ألف شُكر لـك..واتمنى أن نقرأ جديدك

لاهنت وتقبل مروري

[ناصر الشريف]

مسفر العرجاني صح لسانك والله لايهينك على هذا النص الجميل الملؤثر

ورحم الله الفقيد وتغمده بواسع رحمته واسكنه جنان الخلد

وهذي سنة الحياه حد يولد وحد يروح

تحياتي لك ولشاعريتك الجميل نحن في انتظار جديدك لا تقطعنا

[العقاب]

صح لسانك اخوي

والله يرحم اموات المسلمين


والله يلهمكم الصبر والسلوان


مرثيه رائعه

لك تحيه

[نايف الشمري]

... مسفر العرجاني ...


صح الله لسانك ياخوك مبدع لاهنت على هالجزله

قصيده مؤثره الله يرحم فقيدكم ويسكنه الجنه ويصبركم على بلواكم ويهون على جميع مسلم

تحيه لك اخوي مسفر تقبل مروري

[أمير الشريف]

صح الله لسانك يامسفر مدد بلا عدد وات شاعر فذ وجزل لأبعد الحدود .. وعمك جعل ربي يرحمه رحمة الابرار ويصبركم عليه .. مرثيه قويه من شاعر قوي .. الله يرحم عمك والله يجزاك خير على القصيده

[مسفر بن العلاج العرجاني]

عيوني حزينة
فيصل بن عبد العزيز
ليل العاشقين
ناصر الشريف
العقاب
نايف الشمري
امير الشريف
صحت أبدانكم وتقبل الله منكم صادق الدعاء ......وأتشرف اني متواجد بمنتدى قمة في الجزالة بلاحدود وهو منتدى شاعرنا محمد بن فطيس أبوحمد ...وأشكركم جميع على لتفاعل........تحياتي

[شكسبير اليامي]

صح لسانك يامسفر
والله يرحم شايبكم ويستاهل المدح
تحياتي