يـاقلب ياللي من قديمات الأزمان..مطنش هموم الزمان العجيبه

[حمد الدوسري]

السلام عليكم ورحمة الله وبركاته..
هذي قصيدتي في قلبي اللي كان عايش بدون هم أو حزن لــــــــكــــــن طيبته الزايده عن حدها جابت له الهموم والأحزان..
لأنه إذا شاف إنسان حزين أو مهموم يروح له ويساعده ويشيل همه ويصيرالهم عليه وهذا واجب على كل المسلمين ان يكونو كالجسد الواحد إذا اشتكى منه عضو تداعى له سائر الجسد بالسهر والحمى.
فقلت.

[poem=font="simplified arabic,5,blue,bold,normal" bkcolor="white" bkimage="" border="double,5,blue" type=1 line=0 align=center use=ex num="0,black""] ياقلب ياللي من قديمات الأزمان=مطنش هموم الزمان العجيبه
ماهمته جور الليالي ولو كان=لأنه عرف ان ماكتب له يصيبه
واليوم جاه الهم بأشكال والوان=ماهو بكيفه لاكن انهاغصيبه
العين تبكي والجسم صار تعبان=والقلب يشكي من امورن غريبه
اشيل هم الناس وأصير قلقان=واروح للي من البكى شق جيبه
آخذ همومه وبعدها صار فرحان=وأعيش انا وسط الهموم الكئيبه
مره يجيني الهم من دمعة فلان=ابكي لحزنه كن فيني مصيبه
طال الحزن فيني وانا خاطري شان=وقال البشر ان فيك حاله عجيبه
وش دخلك تبكي على دمعة انسان=تبري جروحه وجروح قلبك صويبه
فتحت في صدرك لهم كل بيبان=وبعد الهموم اتجيك حاله رهيبه
يالله ياللي خالق الأنس والجان=افزع لعبدك في الليالي المهيبه
يارب ترحمني وانا وسط الأكفان=ولاصرت ميّت والمصايب قريبه[/poem]

وسلامتكم,, محبكمـ ,, حمد الدوسري

 

 

 

 

 

 

 

 

توقيع : حمد الدوسري

---

التعديل الأخير تم بواسطة خالد العبيريد ; 09-03-2012 الساعة 02:14 AM

[خالد العبيريد]

وعليكم السلام ورحمة الله وبركاته ,,

ياهلا ويامرحبا ياحمد حياك الله ,,

صح الله لساانك وصح قلبك والله يرحمنا وياك وكل مسلم بواسع رحمته ,,

كل تقديري وشكري لك والله لايهينك فالك التوفيق يارب .

[عامر صالح ال شنيف]

يا حمد ما تزرع شي الا ولابد تجنيه وانت انشاء الله ممن يزرعون الطيب والوفا والتضحية
فلا باس عليك اخي الشاعر فانت في خير وعلى خير
وصح الله السانك وعتلا شانك ابيات معبرة تسلم

[محمد الشريف]

ابيات ويه ياحمد وكلام جميل وشكل جديد صح الله لسانك وقلبك ولاهنت يأبيض الوجه

عندي ملاحضه على الشطر هذا{فتحـت فـي صـدرك لهـم كـل بيـبـان}
ماتصلح كل بيبان لو قلت فتحت في صدرك للاحزان بيبان وكملت "والمهم هذا ماينقص من شاعريت حمد حمد شاعر كبير وتدل قصايده الاوله وقصيدته هذي

[فرح الشهري]

يااالله ياحمد ابيات مؤثره


وش دخلك تبكي على دمعة انسـان .......تبري جروحه وجروح قلبك صويبه

صح لســـــــــــــــانكـ واعتلى شانـــــــــــــكـ وبيض الله وجهكـ ولاهنت

[*عاشق المستحيل*]

صح لسانك

ابيات روعه ......... واحاسيس صادقه

والله ان فيه نااااااااس طيبين وعلى نياتهم ....... ولكن فيه كثيير يستغلونهم

صح لسانك يا عسل ...........ز واحلى تقيييييييييييييييييييييم

[روابي]

ٍٍ صح لسسانك يعطييك العافييييييه ٍٍٍ

[تراتيل السكون]

صح لسانكـ حمد

الله يعطيكـ على نياتكـ

وثق تمام الثقة ان لكـ الاجر من خالق الخلق الا يكفيكـ ذلكـ

ولكن احتسب وجدد النيه دائما

موفق

[بدر الشدادي]

ارحب ياحمد الدوسري واهلين برجعتك عقب غيبه اشتقنا لك يابن زايد وقصيدتك وافيه يالقرم فان دلة فهي تدل على طيبة قلبك ياانيق صح السانك وقلبك مليون ياحمد ولاهنت ولاهان راسك متابع لك وانتظررر جديدك بشغف تحيتي لك

[محمد بن عبدالهادي المري]

الله يصح لسانك يا حمد وبيض الله وجهك


والله يبعد عنك الهموم والاحزان