حفيد الرياجيل,,

[خالد العبيريد]

بسم الله الرحمن الرحيم ,,
السلام عليكم ورحمة الله وبركااته ,,
اسعد الله جميع اوقاتكم بكل خير وكل سرور ,,
نايف اخوي الصغير يقول اكتب فيني قصيده وهو غالي,,
مقدر ارد له طلب الله يطول عمره وهذى القصيده,,
واتمنى تنول اعجابكم وتحوز رضاكم ,,

[poem=font="simplified arabic,5,darkred,bold,normal" bkcolor="white" bkimage="" border="double,5,darkred" type=1 line=0 align=center use=ex num="0,black""] اجبرتني بالقيل يانايف سهيل=وعن مايكن القلب منته بداري
انا يانايف كل مايقبل الليل=يلفي على قلبي هموم وطواري
اوهام فكري مقفيات ومقابيل=ومن ماجرى فالوقت بان انكساري
وجداه يافعل الرجال الحلاحيل=لازارني عنهم من الناس طاري
قوم ٍ على وضح النقى ترفض الميل=والهم على مجد المعالي مواري
أهل الصخاء لاجا نهار المفاعيل=في ساعة ً مابين بايع وشاري
على النضا والا على ن ٌدر الخيل=ماملو من العز كثر المساري
اقفت بهم سود الليالي زرافيل=واخفت منازلهم هبوب الذواري
ماباقي الا فعلهم كالقناديل=سناه يجلا داجيات الغداري
واشوف لي ناس ٍ تحب الطهابيل=بالقول دون الفعل دايم تماري
مكبرين القيل مع ناقل القيل=ولاكبرت القاله تهاب الضواري
عنهم تجنب ياحفيد الرياجيل=وخلك مع الي للمواقيف ضاري
مالك ورى درب المذله محاصيل=خلك عزوم وللردى لاتداري[/poem]

وسلامة نواظركم وقلوبكم ,, خالد العبيريد .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

---

التعديل الأخير تم بواسطة خالد العبيريد ; 09-04-2012 الساعة 05:50 AM