لا مات عيد .... جديدي

[عيد ابن دمخه]

السلام عليكم ورحمة الله وبركاته

مساكم الله بالخير

هذي قصيده كتبتها اعتذار لزميل لي بعد ان زعلته ويوم جيته اطلب العذر منه

قال انا مثل البعير في حقده .....

عاد كتبت هالابيات اترككم معها على امل ان الله يهديه

اقول :


[poem=font="simplified arabic,4,red,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياللي تقول انك على هيئة بعير = لامن حقد واطلق مشاوير الانضار
جتك القصايد منطلق للمعاذير = الحانها عذراً وتعزف بمزمار
شفني من عتاب الحيا عاجز اسير = ميت عتب ولاعتب يشعل النار
لاجت نسانيس الهوا حزت عصير = ضاقت فيافي نجد في خاطر الجار
وقلطت لهموم الزمان المسايير = في داخلي مجلس ومركا على وجار
ترا الزمن ماجاب حلو المباشير = ليه الزعل ساد بخفوقك ولاسار
كان الفراق يسرك ابشر على خير = ببعد ركاب الوقت ياشمعت الدار
وبوصيك تكفا لو بقلبك محاسير = ترا الزعل ماجاب ناتج للاحرار
ولامات عيد ووصل علمه مع الطير = احضر دفانه لو ورا صلب الاسوار
[/poem]

وسلامتكم / عيد بن دمخه

 

 

 

 

 

 

 

 

[ســاري]

صح لسانك اخوي عيد
والله لا يجيب الزعل والعتاب
وبكل امانه شهادتي في ابداعك واحساسك الشعري مجروحه
والدليل ها القصيده

تحياتي لك

[عيد ابن دمخه]

صح الله بدنك يا اخوي شاعر

وتسلم والله وبيض الله وجهك على الرد

لك ودي واحترامي

[ناصر الشريف]

عيد بن دمخ صح لسانك حتى ترضا

والله لايهينك على هذا الابداع

الذي قمت بكتباته ووضعه بين ايدينا

تقبل تحياتي وخالص تقديري

[نايف الشمري]

... عيد بن دمخه ...


ااالله ااالله عليك يامبدع

عز الله انك حديته على اقصاه بهالجزله ووفيت وكفيت

ياعل كل عشيرمثلك ياعيد لاكن ماقول الا الله يرده لك ماكتبتبه الا هو يستاهل

بس يكابر شوين ويرجع ان شاء الله

تحيتي لك ولأبداعك المميز

دمت بهاذا التميز

[عيد ابن دمخه]

هلابك يا اخوي ناصر وصح الله بدنك

ولاهنت على المرور

[عيد ابن دمخه]

هلابك يا اخوي نايف الشمري

وماعليك زود طال عمرك وصح الله بدنك


ولاهنت على المرور اللي والله يشرفني

لك الود والاحترام

[عيوني حزينه]

صح الله لسانك ياعيد


قصيده قد لا اوفيها حقها برد


بيض الله وجهك ولا تحرمنا من نبعك


لك تحيه يالقرم

[فيصل بن عبدالعزيز]

الله عليك ياعيد .. قصيده يقسوها الجمال .. والجزاله .. صح لسانك يالقرم على هالقصيده .. التي امتعتنا بهاا .. لا حرمنا جديدك ولا حرمنا هذا الحضور الشاعر .. تقبل مروري واعجابي بمعرفك الكريم .. بانتظار كل جديد .. لك تحيه طاهره كطهرك

[عيد ابن دمخه]

اقتباس المشاركة الأصلية كتبت بواسطة عيوني حزينه صح الله لسانك ياعيد قصيده قد لا اوفيها حقها برد بيض الله وجهك ولا تحرمنا من نبعك لك تحيه يالقرم

هلابك يالعيون الحزينه والله يكفينا وياك شر الحزن

وصح الله بدنك ولاهنت طال عمرك على الرد اللي يطلق الوجه ويبيضه

لك الود والاحترام