..صـديـقـي الـرجـل..

[شوق الدوسري]

السلام عليكم..
صباح/مساء..الخير..

صديقي الرجل والدنيا لها دوره
تجمع الناس وفي الغالب تفرقها

والناس بأخبار سو الناس مسعوره
وفي الطيب بكما ذكر وآذانها صقها

وحنا فضاءاتنا ضحله ومحصوره
نبي نطلع من السطحيه اعمقها

افضالنا ودنا انها دوم مذكوره
وعيوبنا مانحب احد يتطرقها

كأننا رعاع منهيه ومأموره
نحفظ شعارات لكن مانطبقها

جهال في عالم الانسان وشعوره
نستحقر اللي شنباته يحلقها

نقلد آبائنا بالصوت والصوره
وحتى خرافاتهم لازم نصدقها

نحب نحزن ولو الاوضاع مسروره
نعمل من الحزن غبه لجل نغرقها

يا مجتماعاتنا هشه ومغموره؟
يا ان لنا اعماق ما نعرف حقايقها

فالعاصفه اذكر البستان وزهوره
وان مااعطاك الزمن بسماتك ؟ اسرقها

وان انشدوا كيف حالك ؟قول مستوره
لو ان الاوضاع يوميا تشققها

النفس اذا ماهي بشرهه ومغموره
يطقها الشح وتروح انت تلحقها

صديقي الرجل واطراف الناس عوره
فما بالك بجرحها ولا مزارقها

اختارها خيرة المبلي لدكتوره
واتعب على عروق اهلها اللي تلاحقها

وركز على دينها والعقل وحضوره
وشفها وحاول تعرف اللي ترافقها

الزين غسل اليدين ولذته فوره
عليك باخلاقها اللي ماتخلقها

وان سهل الله وزان الحلم باموره
الغاربه في التعامل لا تشرقها

كن مبتسم مقتنع بالله ومقدوره
وشوف احلى مافيها من اشياء واعشقها

اشفق لها شفقة الشاعر لجمهوره
تحفظ حروفها قبل تنطقها

وان ضايقك شي خل عنادك وجوره
اهمس في اذنها عتب وانته معانقها

العمر قصير والايام معموره
ماتستحق انك تضيق واتضايقها

وان شفت مايظهر الرجال عن طوره
لاتكسر في نفسها وتعلقها

سامحها واقطع طريق الشر وشروره
او ردها لبيت شايبها وطلقها

مايضمحل الرجل في عيون غندوره؟
الا اذا عدد خطاياها وخانقها

ومايستزيد الرجل في عيون غندوره؟
الا لاطوف خطاياها وصادقها



صح الله لسآن بوجآبر..
آحترآمي..
شوق

 

 

 

 

 

 

 

 

توقيع : شوق الدوسري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي..

[الفلوه]

لاهنت ياشووق
وتسلم اناملك وانتقاءك وصح لسان قايلها
وعتلاشانك وردالكون لقلبك
دمت بسعادة ابدية ودامت احرفك عذبة وجميلة

[شوق الدوسري]

اقتباس:
المشاركة الأصلية كتبت بواسطة الفلوه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

لاهنت ياشووق

وتسلم اناملك وانتقاءك وصح لسان قايلها
وعتلاشانك وردالكون لقلبك
دمت بسعادة ابدية ودامت احرفك عذبة وجميلة

يسلمك ي رب..
الله يرفع مقدآرك..ي الغآليه
مانحرم من الطله..