لاحت بروق الهجوس اللي هطل وبله على ارض الورق - الملتقى الجماهيري للشاعر محمد بن فطيس المري

مسفر بن العلاج العرجاني · منذ /06-23-2012, 06:54 AM

اهداء من جديدي:

لاحت بروق الهجوس اللي هطل وبله على ارض الورق=حـتـى كسـاهـا خـضــار الـمـفـردات المـثـمـرات الـيـنـوع
من صدري اللي وقـف محتـار مابيـن افتـراق الطـرق=واخـتـار دربٍ بظـاهـره الـسـلامـه والنـهـايـة قـطــوع
ياليـن صـار الفـرح والاّ الحـزن فـي مهجتـي مـافـرق=والقلـب ممـا دهـاه امـن الزمـان الشيـن يلـتـاع لــوع
مـن منجنيـق الهمـوم الـلـي تـوالـى قــد بـغـا يحـتـرق=لو ما وقـف قايـد الآمـال فـي ثغـرات حصـن الضلـوع
واصبر… بغارات وقتي لو سرق من فرحتي ماسرق=وسهـام بقعـا تهـامـل فــي ضمـيـري والأمـانـي دروع
وياكـم تمنـيـت وصـلـك يالحبـيـب الـلـي لقلـبـي طــرق=طـرقٍ تطايـر شـراره نـصـف لـيـلٍ والخـلايـق هـجـوع
ومـرت سنيـنٍ علـى فقـدك ومـركـب وصلـنـا منـخـرق=مستـبـرمٍ بـيـن الامــواج العتـيّـة والعـواصـف اتـبـوع
ياتـدركـه قـبـل نـكـبـاً تنـكـبـه فـــي الـقــاع ولاّ غـــرق=باعاونـك بـه وعاونّـي علـى اصلاحـه ويبـحـر بـطـوع
ويبقـى لذكـرى زمـانٍ فيـه رمحـك فـي صميمـي زرق=وجاعت عيونـي لشوفـك ليـت يالعينيـن مافيـش جـوع
يشبعـش ربٍ كتـب جوعـش ودمعـش حــزّة المفـتـرق=من شوفة اللي يجـي فـي كبريـا الابطـال تـوّه خضـوع
فإن كان وصله تعذّر….عـاد طيفـه فـي خيالـش بـرق=ارضي بمقسوم ربي واقنعي بالطيف….واصبح قنوع
واستبشـري بالخيال…وسامحـي ليـل السهـر والأرق=وقولي بلهجة عيون السهر هذا البيـت قبـل الطلـوع:
”الله يسـعـد صـبـاح البسـمـه الـلـي بالمـحـيّـا شـــرق=ترحـل لـه اعيـون عشّـاق الجمـال ولا تريـد الـرجـوع

مسفر بن حمد العلاج العرجاني