مهوب قصدي يالسنافي تشره

[ظافر العرجاني]

السلام عليكم ورحمة الله وبركاتة

صبحكم الله بالخير والرضا والعافيه

قبل يمكن شهرين طلعت رقم جديد ولا احد يعرفه من الربع
وفيه واحد من الجماعه من اهل الكويت

ودايم وانا اقوله تعال للرياض
والرجال يتعذر بالضروف والدوام

وتجيني علومه انه يزرق لوادي العجمان او الشرقيه ويرجع

فارسلت له ابيات من الرقم الجديد

اقول فيها

صبحك ربي بالرضا والمسرّه
ياصاحبي نافل عسى الله يجازيك

وياشين طبعك صاحبك ماتمرّه
وانته تدوج بين هاذي وهاذيك

واشوف لك في بعض الاحيان جرّه
وتقرب حراوينا ولاهوب يمديك

ماهوب قصدي يالسنافي تشّره
لا والله الا شوق مانيب مخفيك

فـرد علي ويقول

يامرحبا باللي لفى دون جرّه
ياصاحب(ن) مابانت ألنا مواريك

تقصد وتبدع قاف وتشيل جرّه
وتسير في دربك وتحسب خطاويك

اللي نعزه لازم أنا نمرّه
لو كان يمشي في طوارف ذواريك

ياصاحب(ن) مدري بخيره وشرّه
اليا زعلت ابشر بمنهو يراضيك

وسلامتكم

 

 

 

 

 

 

 

 

[محمد يامي]

صح الله السانك والسانك
جميله جدا

[بدر الشدادي]

ظافر العرجاني صح السانك وبيض الله وجهك وصح السان صاحبك
تحيتي لك

[سعيد محمد القحطاني]

ظافر العرجاني تسلم ويسلم صاحبك كلكم نشاما
وقصيدكم يرفع الراس جمل الله حالك وحاله والسعد فالك وفاله
تقبل تحيات وتقدير اخوك سعيد ولاهنت

[ظافر العرجاني]

صح الله ابدانكم جميع

ووفى جميلكم والله لايهينكم ولايصغركم
غلى المرور اللي شرفني

[محمد الشريف]

صح الله لسانك ولسان رفيقك ياضافر شعار وعلومكم غانمه

[عامر صالح ال شنيف]

ظافر العرجاني
صح الله السااانك وعتلاشااانك
ولاهنت ولا هان صااحبك شعار وجزلين

[انفاس الرحيل]

صح لسانكم

[ظافر العرجاني]

صح الله ابدانكم والله لايهينكم
على المرور اللي شرفني

[مسفر بن العلاج العرجاني]

الله الله يا سلاام ظافر صح الله لسانك ولسان نافل ......رديّة رائعة .....وسببها يمتلئ بالوفاء والمحبة وعتاب الودّ.......أغلى التحايا يا شاااعرنا