لاتـــعجـب الــشـآيب ديـار الخــواجـات

[ظافر العرجاني]

السلام عليكم ورحمة الله وبركاتة

هاذي ابيات كتبتها يوم لزم الشايب الله يطول عمره بالسفر
وانا ماكان لي شف اسافر .... فكتبت هاذي الابيات
واتمنى تنال اعجابكم

روحت يم الغرب مانيب هاوي
اسوق رجلي غصب من دون مشهات

اسوقها لعيون حر(ن) نداوي
أبي ... وجعل سنين عمره مديدات

لكن تراني صاير(ن) كـ الجلاوي
لاراح من داره ... عيونه مصدات

ويله على المعواد ... وكثر المناوي!!
مافادته يوم الليالي صعيبات

اجر صوتي ساعة الخلق تاوي
ودموع عيني فوق خدي غزيرات

الله يعجل يوم باكون ضاوي
على الرياض ..فحزة الليل بالذات

واسوق رجلي لجل يسلى الشقاوي
على وليف الروح من دون شكات

واخذ معه سجه ... وطبعه حياوي
لاقلت له كلمه يجاوبك بسكات

ذا مطمعي تكفون ياهل العزاوي
شوفه دقايق .. عن سنين(ن) طويلات

لكن عسى ربي يجيب الدعاوي
ولاتعجب الشايب ديار الخواجات

وسلامتكم

 

 

 

 

 

 

 

 

[سنجار المري]

صح السانك واعتلا شانك يا ظافر

[محمد بن عبدالهادي المري]

صح الله لسانك يا ظافر وبيض الله وجهك

[عامر صالح ال شنيف]

الشاااعر ظااافر
حياااك ربي يا الغااالي
وصح صح صح صح الله السانك وعتلا شاانك
شاااعر جزل وابيااات محبوكة تسلم عليها
منتظر جديدك يا الغالي
تقبل مروري المتواااضع

[بدر الشدادي]

صح السانك مليون ياظافر شاعر جزل للامانة وبارك الله فيك يابعدي
تحيتي لك

[فارس الجهيمان]

صح منطوقك ياظافر ..

ابدعت وشاعريه تطرق الجزاله من اوسع ابوابها

وربي يحفظ لك شايبك ولايحرمك منه

عذب التحايا

[خالد العبيريد]

لكن تراني صاير(ن) كـ الجلاوي
لاراح من داره ... عيونه مصدات

وعليكم السلام ورحمة الله وبركاته ,,

حياك الله ياظافر اررحب ترااحيب الغلا ,,

كفو وصح الله لساانك وصح قلبك ولاهنت والله يطول بعمرك وعمر الوالد على العز والطاعه يالغالي ,,

خالص تحيااتي وتقديري لك .

[سعيد محمد القحطاني]

عزاه ي خوي ظافر هذاه ذي المره من قلب
عساك ماتشوف باس لما يكون الشعر نابع من
حسه يكون المعنى اليم صح لسانك تقبل
تحيات اخوك سعيد وفي أمان الله

[محمد يامي]

صح الله السانك وبيض الله وجهك

[ظافر العرجاني]

صح الله ابدانكم جميع
ووفى جميلكم والله لايهينكم ولا يصغركم

وبيض الله وجيهكم على المرور اللي شرفني واسعدني