كأس الغلا ,,

[خالد العبيريد]

بسم الله الرحمن الرحيم ,,


السلام عليكم ورحمة الله وبركاته ,,

اسعد الله جميع اوقاتكم بكل خير وسرور وسعادهـ ,,

اقدم لكم ابيات قديمه وغير والله مدري سبق ونزلتها لكم والا لا لكن عسى تنال اعجابكم ورضاكم وتجوز للي طلب مني قصيدة غزل ,,


[poem=font="simplified arabic,4,darkred,bold,normal" bkcolor="white" bkimage="" border="double,6,darkred" type=1 line=0 align=center use=ex num="0,black""]
يامن جرحت القلب بالهجر لاهنـت=قلب ٍ جرحتـه تـم وصلـك وداوه
ماله دوى بين المخاليق غير انـت=وصلك دواه وداه منـك القسـاوه
أسقيتني كأس الغلا منك وادمنـت=ومشى غلاك مع العروق بهـداوه
قد قلتها فالحب يازيـن وأعلنـت=انك سمو القلب والـك السمـاوه
انت الذي وحدك لقلبـي تسلطنـت=من بد كل الخلق حضـر وبـداوه
وانت الذي وحدك لحبـي تمكنـت=ومعاملك في من يحبـك عـداوه
وانت الذي عنده من الشوق قد لنت=ارهيت لك عزمي بشوقي رهـاوه
لكن ذقت المر فالهجـر وأيقنـت=ان الغلا عندك مـزوح وفضـاوه
واليوم اقول انته حبيبي ولو خنـت=لكن قلـب ٍ منـك مجـروح داوه
[/poem]

وسـلامة نـواظركم وقلوبكم ,, خالد العبيريد .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[سنجار المري]

الله الله وكبر عليك ياخالد قصيده بمعنى لكلمه وسجل اعجابي لاهذي القصيده خوصوصا هذا البيت


انـت الـذي وحـدك لقلـبـي تسلطـنـت **مـن بـد كـل الخلـق حـضـر وبــداوه

[خالد العبيريد]

هلا حياك الله سنجاار ,,

اول شي طال عمرك ,, الله وكبر > خطاء الاصح الله اكبر ,,

وصح الله بدنك وصح قلبك وكلك ولاهنت على حضورك المضئ وتعليقك العذب طال عمرررك وشهاده منك على راسي ,,

كل الشكر والتقدير لك وخالص تحيااتي.

[فراشة]

الله حــيوه .. وحيّ ماجاب ..
صــح لسانك يّ العتيبيّ .. ولاهنت ..

واليوم اقول انته حبيبي ولو خنـت

لكن قلـب ٍ منـك مجـروح داوه

الابيات كلها ابداع لكن : جازليّ ذا البيت بقوة ..
وجعلك ســالم ..

وديّ ++++++

[خالد العبيريد]

حياك الله ياشيخة الغييد ,,

صح الله بدنك وقلبك ولاهنتي على حضورك المضئ وتعليقك طال عمرك ,,

كل شكري وتقديري لك وخالص تحياااتي .

[بنت الروقه]

خالد
نزف ينبض بالجمال
فعلاً أمتعتنـا بسيل مشاعرك العذب
يعجبني فكرك ونهجك وطرحك
مبدع صح لسانك على هذه الشامخه


لكـ كلـ التقدير والاحترام ..

[عايض العاطفي]

خالد

صح الله لسانك مليون

شاعر جزل وابيات جزله ولاهي غريبه على شاعر متمكن مثلك

تقديري

[خالد العبيريد]

حياك الله يابنت الروووقه اررحبي ,,

صح الله بدنك وصح قلبك وكلك ولاهنتي على هالحضور والتعليق الطيب بارك الله فيك ,,

كل الشكر والتقدير لك لاخلا ولاعدم .

[خالد العبيريد]

ياهلا ويامرحبا ياولد عاطف حيااك الله ,,

صح الله بدنك وصح قلبك وكلك ولاهنت يالغالي ماعليك زود طال عمررك ,,

كل شكري وتقديري لك ووافر احترامي .

[بدر الشدادي]

خالد صح السانك مليون وعداد من على الارض يمشوون جزله من راس جزل وشهادتي مجروحه فيك لله درك وصح قلبك
تحيتي لك