ماعاد ... به ... بدو

[حلم~]

عشقت القمر حين القمر ينبعث به نور
وأخص الليالي البيض تزهاه ويزهنه
وأحب الهوى لاهب من خايعٍ ممطور
وريح النفل حيث النفل طيب الخنه
وأحب الجمالة والجمالة عمل مبرور
وأحب الغناه وعز نفسي عن المنه
وأحب الصراحة والصراحة بها مسرور
حيث ان الصراحة تقطع الشك والظنه
وأحب الكريم اللي يفرج عن المعسور
اللي من عطى حتى أهله ما دروا عنه
وأحب الرجال العارفة وأكره المغرور
من اغتر في بعض المظاهر يغرنه
سقا الله ليالٍ ماضية قبل هدم السور
نحفر العدود ونشرب الماء من الشنه
نشوف البنات اللي اوردن كنهن الحور
مهارٍ مشاويلن بالأعياد معتنه
على الماء تشوف بيوتهم كنهن القور
كثير القبايل تقطن العد بالكنه
على البال ذكراها يا ليت الليالي ادور
يا ليت الليالي ما خذنه يجيبنه
تذكرت شيبان لنا يوم حنا بزور
يحثوننا بالطيب والفرض والسنه
لو عاشوا حياة قاسية في بحر وبرور
عسى الله يعوضهم بما فات بالجنه
لو دور مضى من بينهم وين ذاك الدور
زمان مضى له ذكريات يحلنه
ويوم الذهب ما يلبسونه بدون خصور
جمال النساما هو من السوق يشرنه
فقدنا حياة البدو مع شوفة المظهور
ولا عاد به بدوٍ ولا الطرش له حنه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : حلم~

💜

[ماجد الشيباني]

عشقت القمر حين القمر ينبعث به نور
وأخص الليالي البيض تزهاه ويزهنه
وأحب الهوى لاهب من خايعٍ ممطور
وريح النفل حيث النفل طيب الخنه

تسلمين حلم على الشيله ننتظر جديدك

تحياتي

[سعيد محمد القحطاني]

يالله يا حلم وين جيتي لها منه
ايوالله اني ذكرتها يارنها زيناه وانتي اجمل واجمل
جعل يدينك سالمه والله العظيم ان يجيك التقيييم
الا ان يطفى الجهاز

[حلم~]

اسعدني مروركم و لاهنتو ً ع تقيمم

[عامر صالح ال شنيف]

وأحب الصراحة والصراحة بها مسرور
حيث ان الصراحة تقطع الشك والظنه


يا سلام يا حلم تسلم يمينك ي الغلا

[الماسـه]

حلم ~ تسلمي قلبي
ابداع وذوق ربي يحفظك

[محمد بداي]

قمة الذوووووووق

بس ياليتها منسقه

وستاهل التقييم

ومشكوره ع حسن الاختيار


وتسلمين

[عتيبي نجد]

صح السان شاعرها

صح صوت الصيخان

يسلم إختياركِ الرائع

تحيتي

[فهد الهباش]

الهويدي شاعر كبير

وقصيدته هنا من الخالداااات


يسلمو يا حلم ابداع في النقل،،،

[حلم~]

اسعدني تواجدكممممٓ