(عبدالله السناني +االصقر الجارح)

[عبدالله السناني]

السلام عليكم ورحمة الله وبركاته
اذا احد جاهز يرد على البيتين لآني طلبت شاعرين وماردو علي

سلآم والميدان يبغى من يقوم ويستعد ** امـا عـلاجٍ لـلجروح امـا نزيـد سـقـامـهـا
شفنا خلل بالمجتمع واحد برد واحد شرد ** عسى طوال القوم ماتاكل طعام اقزامها

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[رمق]

ي سلآم ..ليتني شآعره

متعه بالنسبه لي محاورآت اخر الليل ..
متآبعه .. بس ان شاء الله تلقي أحد

[الصقرالجارح]

يامرحبا بك ياعبدالله السناني واتشرف باللعب معك

يامرحبا وانا هنا جاهز وياليل السعد
نبغي الجروح اللي بعبدالله تخف الأمها
شفنا الخلل بالمجتمع يالذيب وش باقي بعد
لكن عسى ماهيب تأكل من حلال ايتامها

[عبدالله السناني]

حياك الله ’ ونقول إن شالله

[عبدالله السناني]

حياك الله يالصقر الجارح , واستلم

دام البقاء بك ياصقر ليتك مع طيور الهدد ** ماتشفي جروح الرجل ياكود دم اخصامها
الصقر جاانا مادرى بالـسـالـفـه . لـيته رقد ** واقول يـاليـت البـدو تـرجـع بـوسط خيامها

[عبدالله السناني]

وينك يالصقر الجارح , الليل راح نبي ننام ههههههههههههههههههه تأخرت علينا , الليل الليل

[الصقرالجارح]

انا ترا بالازمه موجود يوم غيري قعد
والسالفه عندك يابن الاجواد جيب اعلامها
جيتك يومن الناس ماحدن جاك ياهذا الولد
وترا البدو ياصاحبي يالذيب ماحدن ضامها

[الصقرالجارح]

اخوي عبدالله اسمحلي رحت اصلي

[عبدالله السناني]

اخلفت وزن البيت ياراع اللزوم المستعد ** الـفـرق واضـح بـيـن مـبـداهـــا وبـيـن خـتامها
اما تجي بـمجمّـله ولا اسـترح لا تـنجــلد ** واحمى الحياض اللي مع الغفله تجيك حيامها

[الصقرالجارح]

عجلتني ياصاحبي لكن تولم واجتهد ..... ويالله عسى بعض الاوادم ماتموت احلامها
انا مجمل يالسناني وانت حذرا تنبلد ..... وحياضنا ماحدن بقارب شرقها من شامها