فقيــــره حالــــة العاشق وظن الفقر بحسن حــال

[عامر صالح ال شنيف]

السلام عليكم ورحمة الله وبركاته

صباحكم ومسائكم شعر

متواضع على أمل الإرتقاء للذائقة

اتقبل النقد بكل رحابة صدر

أنـــــا ديمـــومـــة الغربة ولمحه يــا سما ورمال

أنــــا الرحــــال أتــابـع للمسيرة واحـــة أحلامي


تهجيت الضيــــا نـــوره بعيني مســـرح الآمـــال
وكتبته في مســــاي أنـــه حقيقة أول أوهـــــامي

وثـــانيــه الســراب اللي أشوفـــه للوصال وصال
لقلـــب(ن)يدفعه وقتــه وهــــو من شدتـــه ظامي

لقـــــا من دونــــه الرحلـــة طويلــة كنها السلسال
حلقها أمن الشقــــا والهم ومــوت(ن)مبسمه دامي

علـــى جيد(ن)حمـــل وزر السنين المذنبـــة أجبال
ولا كلـــت متون(ن)شـــــالت اجرامي على اجرامي

تعب ساق(ن)يجوب الأرض يدور للعـــذر مدخال
ولـــكـــــن حيلتــــي باللي خلقنـــي وقوّم إعظامي

عليـــــه أشكي زمان(ن)شفت منّه دمعــــة الرجال
تطيـــــــح من القــــهر والوقت ذلـّــــه كنه إلجامي

لســـــاني كبلـّـه حرف(ن)تلعثم ونحبس غربــــال
بصـــدر(ن)تجمع أنفاسه رمــــاد أضلوعه الحامي

تـــدفــــــآ قلبي من بـــــــرد الفـــراق وثلجه القتال
علــــى نــــار الضلوع اللي حرقهـــــا والع إلهامي

فــــراق(ن)من عشيق(ن)حـافظه مثل العهد لا زال
واوفـــــي فجوة أفراقــــه بــدمـــع(ن)يفزع آلامــي

واســـــــولــــف للألم تــــدري بأنك أول الأطــلال
لآخـــر هــالمكـــان اللي جمعنا شــــوق بهيــــامي

عشيــق(ن)كنفيـــــه الطهر والعفة وقــر وجلال
وروح(ن)مــن تحلــّمها حنان(ن)يكفــــي أيتــامي

ومــلامـــــح يوسفيه حطهـــا ربي عليــه خصــال
بعيـــن(ن)كحلها ليـــــــل(ن)سريته شادد احزامي

وجديــــل(ن)قيّد خيــــــوط الحرير ولمعته كاللال
ومبســـم أختلط ريقه بتــــوت(ن)من شجر شامي

وجــيــد(ن)لين كفينــه الين الســــاق والخلــخــال
يــــزيّـــن مشيـــته والا تثنى أعــــــض الأبهامي

سقـــــا الله يوم كان لدنيتي مثل الهدب وضــــلال
لعين(ن)لا بكى طرف الحزن من قســـــوة أيامي

ولقـلـب(ن)حس من عقبه ضيــــاع لخطوة الدلال
لأنــــه وجهتـــي من وين مـــــا وجهت قـــدامي

خيــــالـــه قد بنا بيت(ن)بموق العين لــه زرفـال
وبـــــــــابه جفني الساهــر وخـــدي بيد وخيامـي

يســـــلني بعد فرقـــــاه ويلعّبني بطيــــش أطفـال
وإذا منـــي تهاديتــه رجـــع واكملـــي لي إعدامي

ووقــف منهك الخطوة ولا ادري وين لي ترحال
أدور عـــــن أمــــل يحي وآثــــاري حظنا طـامي

مثـــل واد(ن)بطــاه السيل من مده ولا قد ســال
وجــفّ القـــاع من عقبه ولا به زرع وخزامـي

وحـــب(ن)قصدنـــــا نذراه ولكنّ الهــــــوا ميّــال
نـــثر جهــد السنين اللي جمعنـــا حبهــا أعوامــي

فقيــــره حالــــة العاشق وظن الفقر بحسن حــال
وإذا كــان الفقر فـــالزاد أنا الطاوي وأنا الظامي

وأنــا وجه الغريب اللي في صحر دنية الآمـــال
أدور قـــافلــــة حـبــي وأدور واحــة أحـــلامــــي


وسلامتكم

اخوكم عامر الشنيف

 

 

 

 

 

 

 

 

[شآسع المري]

وجديــــل(ن)قيّد خيــــــوط الحرير ولمعته كاللال
ومبســـم أختلط ريقه بتــــوت(ن)من شجر شامي

ياسلام ع الوصف ياخي هذا نقطه ضعفي اللي تلعب في حسبتي


جزل ياجزل

وصح الله منطوووووقك

[عامر صالح ال شنيف]

اقتباس المشاركة الأصلية كتبت بواسطة شآسع المري وجديــــل(ن)قيّد خيــــــوط الحرير ولمعته كاللال ومبســـم أختلط ريقه بتــــوت(ن)من شجر شامي ياسلام ع الوصف ياخي هذا نقطه ضعفي اللي تلعب في حسبتي جزل ياجزل وصح الله منطوووووقك

شاعرنا شاسع المريمرورك وتواجدك الملكي زادني شرف صح بدنك ولا هنت شاكر لك

[عتيبي نجد]

ياسلام

صح السان يالشنيف واعتلى شانك


تحيتي

[عامر صالح ال شنيف]

اقتباس المشاركة الأصلية كتبت بواسطة عتيبي نجد ياسلام صح السان يالشنيف واعتلى شانك تحيتي

عتيبي نجدمرورك وتواجدك الملكيزادني شرف وصح بدنك ولا هنت شاكرلك

[فيصل البقمي]

صح لسانك




شاعر جزل ورائع




الله يعطيك العااافيه





تحياتي

[عامر صالح ال شنيف]

اقتباس المشاركة الأصلية كتبت بواسطة فيصل البقمي صح لسانك شاعر جزل ورائع الله يعطيك العااافيه تحياتي

فيصل البقمي
مرورك وتواجدك المكلي
زادني شرف لاهنت
شاكر لك

[سعيد محمد القحطاني]

ياسلام ياسلام عامر الشنيف بدون مجامله
انت شاعر مميز وتستحق التميز بكل جداره
هذا رأيي فيً شعرك من اول مشاركه حتى
هذاهرالدره التي لايجيدها الا الشعراء مثلك
وشرواك تقبل تحياتي واتقديري ولاهنت

[عامر صالح ال شنيف]

اقتباس المشاركة الأصلية كتبت بواسطة سعيد محمد القحطاني ياسلام ياسلام عامر الشنيف بدون مجامله انت شاعر مميز وتستحق التميز بكل جداره هذا رأيي فيً شعرك من اول مشاركه حتى هذاهرالدره التي لايجيدها الا الشعراء مثلك وشرواك تقبل تحياتي واتقديري ولاهنت

شاعرنا سعيد القحطاني
مرورك وتواجدك الملكي
زادني شرف ولا هنت ووجهك ابيض
وشرواك الطيب يا الغالي
شاكر لك

[ترانيم المطر]

شاعرنا المميز لا جديد سوى التميز والابداع
دمت ودام تميزك
تقبل تحيتي وتقديري
ترانيم