كن نضم حروفها عقدن بعنق الياسميه ....؟

[سنيد القعياني]

السسسسلام عليكم ورحمة الله وبركاته ...






والله ان النخوه اللي وجهة منها إليه
.......... جددت عندي جروحِن عاجزن مالقى دواها
يوم جتني تنتخي ما باقي إلا الهاشميه
.......... وادري اني من وراء النخوه واطوح من وراها
وادري اني حافظن كل الحروف الابجديه
.......... وادري ان النفس ماخذتن من الدنيا كفاها
كيف تكفى ماتهز عروشنا يالاجوديه
.......... وكيف مثلك يطلب الحاجه ولا يلقى قضاها
من رجالن وافتخر في مجدها يالحاتميه
.......... بس هالدنيا يكفي من عرفها ماغواها
تزدحم فيها الاصايل بين شمس وبين فيه
.......... والله اني مسرجن خيل الصحابه في قراها
والله ان البخل تقصر خطوته ماجات ليه
.......... بس وين العذر عنا ماعذرنا من بغاها
التفت لبيضها لقيت جردن جرهديه
.......... والتفت لسودها قامت ولقتني قفاها
واعتزيت بمابقى في خاطري من شاعريه
.......... واقبلت يمي تبختر تطلب الليل وضواها
يوم جات بعنفوان الكبرياء والعنجهيه
.......... واستباحت كل حرفن لين لحفته رداها
كن نضم حروفها عقدن بعنق الياسميه
.......... بنت شيخن شايمه كلن يبي يكسب رضاها







كنت اقتصد مما لدي من شعر واحب الاحتفاظ به لكن تقييمكم لي جعلني احب ان ابوح بما لدي من قصائد



مع الشكر والتقدير لكم اخوتي ...

 

 

 

 

 

 

 

 

توقيع : سنيد القعياني

ماإن ندمت على السكوت مرة , ولكني ندمت على الكلام مرارا !!

[ترانيم المطر]

الله الله الله
أسعدني بأن أكون أول من صافح هذه الدره النفيسه
تقبل مجاراتي المتواضعه ودمت بود
ترانيم

[poem=font="simplified arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

سرني شعرن قريت منك يا راع الثنيه = وابتهج للقاف شمس الشاعره واخر سناها
وشاش راسي للمجارا بين هاه وبين هيه = شاعره ماهمها من دونها ولا وراها
اكتب القيفان معنى واكتبه في كل نيه = والبسه حكمه وفيض وغيض من عالي سماها
ناويه بالشعر اجاري من يطوح للحميه = يوم جاته ترتعد فز بثواني واحتواها
والصقر معروف ياكل صيدة المخلاب نيه = والمراجل باينه والعين ما تنكر شداها
صاح بالمرقاب خيال الضحى والنار حيه = ودن نجر القافيه والليل يسريبه صداها
والمعاني وافيه واهل الكرم دايم صخيه = والله اني بالمعاني دايم الدوام اتباها
شيخنا لا هبت الهيجا ودن الضيغميه = ناد سواح الضحى واعرف دوا النفس ودواها
والله اني بالمجارا ما نويت الا التحيه = فيك احيي والمعاني وافيه تروي ضماها
[/poem]

[خالد العبيريد]

وعليكم السلام ورحمة الله وبركااااته ,,

حياك الله راع الثنيه ,,

صح الله لسانك وصح قلبك وكلك ولاهنت على هالمعزووفه الجزله وبلا شك نطلب منك المزيد والمزيد لانكتفي ابدا ابدا واصل مسيرك الا الامام متابع لك بأذن الله ,,

حياك الله ياترانيم المطر ,,

صح الله لسانك وصح كلك واشهد انك جاريتي قصيده جزله بمجاراه جزله ماشاء الله تبارك الله ,,

تحياتي وتقديري لكم جميعا ًُ ياشعرانا القمم والا الاماام .

[عامر صالح ال شنيف]

راعي الثنية
شاعر جزل وابيات قمة تركيب وصياغة ومعنى
لله درك

ترانيم المطر
لله درك على ما جادت به قريحتك مجاراه في قمة الروعة

[سنيد القعياني]

ترانيم المطر ..


بكل فخر واعتزاز وشرف لي مجاراتك بهذه القصيده الجزله وهي وسام على صدري

اقول صصصح لساااانك ولاهنتي ..

[سنيد القعياني]

خالد العبيريد


صصصصح بدنك وتدوم وتبقى يالنشمي ...

[سنيد القعياني]

عامر الشنيف


صصصصصح بدنك ولاعدمت طلتك يالكحيلان ...

[محمد بن عبدالهادي المري]

ياسلام ياسلا م ياسلا م


صح الله لسانك مليااااااااااااااااااااااااااااااااارات يا راعي الثنيه على هذه الباااذخه



وصح الله لسانش ترانيم المطر على هذا الصدى الضخم والكم الهائل من الشاعريه

المستفحله



احييكم واهنيكم عليها لاهنتووووووو

[هوى الغربي]

صح لسسانك اخوي راعي الثنيه
والله الله بالاسم الحقيقي ترى القوانين تبي تحرمنا من قصيدك
صح لسانك مليون ولا يكفون

[سنيد القعياني]

محمد المري ..


صصصصح بدنك لاعدمتك ...