ثوبٍ ماهو ثوب الفتى عيـبٍ لياجا لابـسـه ...!؟؟

[سنيد القعياني]

السلام عليكم ورحمة الله وبركاته






البارحة طافت علي ياحمود من بعد العتيم

................. ومن حسن نية مانظرت إلّها وشهي لابسه

لكن على الله يارفيـقي نـارها تـاكل هـشيـم

................. وصـدري لـيا مـرت شمالياً وقلبـي حـابسه

لاعـاد لافجـت نـحرهـا غـازيـه وأنا حشـيم

................. هملتها بـين الصحـاري والوجـيه الـعابسـه

أنا على درب الجزال ارقابها مـرقـا الكريم

................. ماني معـودها على درب الهـزال وهابـسـه

وإلا ليامني طغيت ألعب على ابليس الرجيم

................. اعطّش كبــودٍ روت واسـقي كبـودٍ يـابـسـه

وغمرٍ ليا جاء فالّقـا شـلفاه ماترد الصـمـيـم

................. ثوبٍ ماهو ثوب الفتى عيـبٍ لياجا لابـسـه




وسلامتكم ..

 

 

 

 

 

 

 

 

توقيع : سنيد القعياني

ماإن ندمت على السكوت مرة , ولكني ندمت على الكلام مرارا !!

[محمد الشريف]

الله الله دره ويكفيني بالرد اني اول من
قراها بالمنتدى شكرا لك وصح لسانك

[سنيد القعياني]

محمد الشريف صح بدنك والشرف لي وانا اخوك ..

[عبد العزيز الهزاع]

أنا على درب الجزال ارقابها مـرقـا الكريم

................. ماني معـودها على درب الهـزال وهابـسـه

الله الله
صح لسانك أخوووووي وما قصرت قصيدة راقية
برقي فكرك وحظورك المتميّز لا عدمناك
تقبل مروري وموفور الاحترام

[مبارك الشمري]

صح السانك كلامات راقت لي بنتظار المزيد

[محمد يامي]

صح السانك ياغالي واعتلالالالالالالا شانك

[سعيد محمد القحطاني]

رعى الثنيه صح الله لسانك وعلا شانك
ابيات جميله وجزله يعطيك العافيه شاعر جزل ولا تجيب
الا الجزلات تقبل تحيات
ولتقدير واحترام اخوك سعيد ولاهنت

[عامر صالح ال شنيف]

راااعي الثنيه
حياااك ربي ولاهنت
وصح الله الساانك وعتلا شاانك
ابيااات جزله ومحبوكه يااا الغاالي
تسلم عليها وبيض الله وجهك
تقبل مروري المتواااضع

[ترانيم المطر]

وغمرٍ ليا جاء فالّقـا شـلفاه ماترد الصـمـيـم
ثوبٍ ماهو ثوب الفتى عيـبٍ لياجا لابـسـه
والنعم فيك
وحيك وحي نباك
هذا بيت القصيده
لله درك وكفى
تحياتي وتقييمي ترانيم

[المطنوووخهـ]

أنا على درب الجزال ارقابها مـرقـا الكريم

................. ماني معـودها على درب الهـزال وهابـسـه

وإلا ليامني طغيت ألعب على ابليس الرجيم

................. اعطّش كبــودٍ روت واسـقي كبـودٍ يـابـسـه

وغمرٍ ليا جاء فالّقـا شـلفاه ماترد الصـمـيـم

................. ثوبٍ ماهو ثوب الفتى عيـبٍ لياجا لابـسـه
جزله وصح لسانك على القصيده