ياليتنا عقب البطا مالتقينا

[هايدي الحلوه]

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات



ممما راق لي

 

 

 

 

 

 

 

 

توقيع : هايدي الحلوه

، ٲناا لاا شفـٺ خلـي حَـط غيـري فِي مكآني ۥواللّٰھ ٳني لٲتركهہ و ٲصد و ٲعشق سيـّد سيّـدھ ،

[الماسـه]

تسلمي قلبي
روعه الابيات
وهذا يدل ع رقي ذوقك
الله يحفظك يارب

[ماجد الشيباني]

وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات


روووعه هــالقصيده هايدي
دائماً ماتتحفينا بأجمل الشعر واعذبه
وتسلم لنا ذائقتك المرهفه والرقيقه
تحيااتي

[هايدي الحلوه]

الماااسه هلابتس

حبيبتي نورتي متصفحي

[هايدي الحلوه]

ماجد الشيباني
هلابك
اخوي نوووورت متصفحي

[شيخة القصيد]

وصح لسانك يا متابع على هذه اللوحه الفنيه بشاعريه لا تعرف سوى قلم متابع

كلمات تحمل معاني عذبه رائعه أعجبتني كثيراً .,

تقبلي مروري

[هايدي الحلوه]

شيخة القصيد هلابتس حبيبتي نووورتي يالغلا

[جـــود ,]

ذائقه عاليه
وابيات جنان جنان جنان
بس قصه تعور القلب ،،

[خالد العبيريد]

حياك هايدي ,,

صح الله لسان شاعرها ولاهان وصح كلك ولاهنتي ابيات اليمه جدا ً وصورهة خيال قمه ,,

لك خالص الشكر على ماقدمتي من ابدااع .

[مصيوب الهوىا]

في قمه رووووعه الابيات والقصيدهـ

صراحه وربي راق لي كثير ذوقك لا يعلا عليه جميله هايدي

ومبدعه بأختيارك للقصائد الرائعه

وربي أندمجة وأستمتعة بالقصيدهـ