انت العظيم

[الجاثوم]

يالله ياللي قادرٍ في حلالك

ياللي ملكت الكون وفوقه تعليت

مالك شريك الملك ملكك الحالك

انت العظيم وترحم الحي والميت

الدين دينك غير دينك عصالك

ياهازم الحزاب ياحامي البيت

يالادمي فكر بعقلك وبالك

وتقول ياربي معك ويش سويت

ذكر الولي خله معك في خيالك

هو عالمٍ ماكنه الصدر وخفيت

احذر معه ياعبد تقطع وصالك

ذكره مع المخلوق في ضلمته ليت

مالك غناتن لو طرى ماطرالك

عن رحمته يالعبد مهما تناسيت

راحت سنينك وحياتك تهالك

قضيتها بغيره وعنه تخليت

ويش الاجابه يوم ربي يسالك

كم مرهٍ تسمع بذكره وصديت

لن قاله الله جنت الخلد فالك

بس ادخل الاسلام دامك تماديت

عقب الوضوء نطق الشهاده دوالك

واطلب من الله كل ماصبحت ومسيت

اتبع نبي الله محمد ولاالك

دربٍ سعيد الا اذا قمت صليت

احذر كتابك لاتشله شمالك

في ماقفٍ ماينفعك قول ياليت

من بعدها تدري بجهلك عمالك

هاذي وصيه قلتها يوم وصيت

اختامها لن طعت ربك جلاالك

كم كافرٍ يرضخ وينزاح عفريت

 

 

 

 

 

 

 

 

[الماسـه]

الجآثوم صح لسآنك
أبيآت جميله ونصيحه أجمل
ماشاء الله عليك الله يحفظك يارب

[سعيد محمد القحطاني]

صح الله لسانك اخوي عساها في موازين
حسناتك قصيده طيبه من وجهٍ طيب
ألله يذكرالشهاده هذا اللي باقوله

[عاليه]

صح لسانك
قصيده ررروعه وجزله فيها
ابتهال ررروعه
تقبل مروري وتقيمي