جاااااااااير الوووقت

[ناصر الشريف]

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
جاير الوقت كوا كل عرق وخليه=والمصايب علينا هملت بالتعازي

كل درب اتجه له شفت وسطه رزيه=لين صار الكدر والياس للروح غازي

خفت ادور على روح الرجال الوفيه=ثم الاقي طريق العز مبلي وخازي

ليه يا عيني تشوفين عيب البريه=وليه يا نفسي تحثين صوب انتهازي

كنت احسب اني افضل شخص فالعنجيه=واتضح ضيقي اللي ماخذه بامتيازي

لا قريت الاهانه في حروف ابجديه=قمت اتمتم على نفس الهوان بنشازي

ليه يا عبرة المسكين نبقى ضحيه=وليه يا هامة الطغيان تردي طرازي

تحت موج الفتن حبيت خشم البليه=يوم تاشيرة الذله غدت في جوازي

لا بغيت ارفع الهامه اخاف المنيه=كن عمري معلق في هوان اعتزازي

ليه يا مال فرقى العين تجني عليه=كنت افجر ضميري كل ما اسمع عزازي

بس في ذا الزمان اشوف ضيم الرعيه=زي قلب تهشم ثم غدا كالقزازي

ويش بين الثريا والثرا يا بنيه=غير تركيب لفظي دق مليون فازي

كل ما قلت ابا امشي في طريقٍ سويه=شفت خط الغوا يمشي معه بالتوازي

قلت ابا الامس اطراف الخيال بيديه=لين شفت الخيال يطير والفكر هازي

قلت با اصيد واثره شد بالجاذبيه=وانشبك في ضميري لين حط ارتوازي

صار قلبي طرنبه له وروحي مديه=يشرب دماي مثل الما بكل المغازي

لين صبحت له عبد ايتحاشا وليه=واثره بكل حزه يهتنيه ابتزازي

صار قلبي مثال القدس في كل نيه=احتلال الهواجس فيه صارت مفازي

والضحايا فكر تايه وروح اجوديه=تلتوي حول كعبة فكر شرق الحجازي

كل ما شافت لشمس المتاهات فيه=زاد فيها ظلام الطيش كم الجنازي

كل ما بان فكر ارشاد جا به خطيه=لين صار الجميع بفكر طاغوت نازي
[/poem]

 

 

 

 

 

 

 

 

[محمد الوريكي]

صح لسانك اخوي الغالي
ناصر ولاهنت عل القصيده الجزله
جعلك تسلم

[ناصر الشريف]

اخي العزيز محمد الوريكي

صح بدنك ولا هنت على المرور وجعلك سالم وغانم

تقبل تحياتي وخالص تقديري

[أمير الشريف]

صح والله لسانك ياناصر .. لازلت متألق يامبدع .. ابداع منقطع النظير ..
تقبل مروري البسيط يالقرم

[عاليه]

صح السانك شاعرنا
ابدعت وشاهدتي في ابياتك مجروحه
شاعر متمكن

تقبل مروري

[توازن رجل]

ناصر الشريف صح لسانك واعتلى شانك

[ناصر الشريف]

صح بدنك وتسلم على المرور يا الوريكي

تقبل تحياتي وخالص تقديري