بلاي.. جحود.. ومفارق.. وصده

بلاي.. جحود.. ومفارق.. وصده

قصيده لها موقف....
قديـــــــــــــــــــمه ويهمني نقدكم ...


حسافه يا وفاي اللي تعدى
حدود اهل الصداقه والموده
عطيت وما احتريت الرد منهم
وجزاي.. جحود.. ومفارق.. وصده
نسوني في رخايه وانكروني
اجل وشلون لاجا وقت شده!!!
ياليت القلب لا جافاه غالي
يقول ببعده: الله لا يرده
ويدله عنه.. ويدور بديله
ويلقى له وفي.. مثله.. يوده
لكن الله باليني بقلب"
على المقفين مدري وش يحده
الامنه تخلى عنه صاحب...
يضيع عمره برجوى مرده
إلين اصبح مثل ماتشوف عينك
(خرابه إعن المعازيب إلها مده)
ياليتك معي يوم إنا التقينا
وشفتي كبرياهم وين حده
لجل تلقين عذر وتعذريني
على دمعٍ عجز جفني يرده
وانا افكر بنفسي كيف خلوا
فراغ بقلبي من يقدر يسده
عرفتي يا(.......)وشهو بلايه؟؟؟
بلاي ..جحود.. ومفارق.. وصده

المصدر: الملتقى الجماهيري للشاعر محمد بن فطيس المري