علي شفيع المرّي اللي كاسب الفعل الحميد

[محمد السهلي]

بسم الله الرحمن الرحيم

السلام عليكم ورحمة الله وبركاتة
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


بديت بسم اللي خلق خلقه وخلقه له عبيد=الواحد اللي عالمٍ ماتخفي صْدور البشر

ابدى بذكر الله ليا من جيت اببدى بالقصيد=واصخر ابيوتٍ بعد ذكر الولي تنصى قطر

بْيوتٍ جزيله نادره من نوعها نوع الفريد=اسوقها لْطحطوح نادر ياعرب بالمختصر

علي شفيع المرّي اللي كاسب الفعل الحميد=راع العلوم الغانمه وجهه كما نور البدر

من لابةٍ وقت الملاقى سيفها سيفنٍ حديد=عزّ الله انها ماتهاب وتارد الموت الحمر

وان كانها بالبندقيّه ماتثور الا تصيد=لاثوّرو صوب العدو فالراس والا فالنحر

مرّه يمرون العدو يوم العدو راسه عنيد=وللاصدقاء احلى من الحالي ويلقى مايسر

ويام العريقه مابها شكٍ هل الراي السديد=اهل الفعايل والكرم والطيب من بدو وحظر

انشهد انّي لاقعدت امدح بْمدحي مستفيد=من يستحق المدح ياهل العرف في مدحه فخر

وقبل اختتم بطلب من اللي يسّر العسر الشديد=انّه يجمّلنا ليا من جاء مجالٍ فالدهر
[/poem]