لعنبوها والله اني ماقدرت انساها

[ضامي الشوق]

صباحكم /مسسائكم شششعر

لعنبوها والله اني ماقدرت انساها
كيف بنساها واهي تطري على بنومي


والله اني من غلاها ماعشقت اسواها
ضيّعت مستقبلي في حبها وعلومي


دبلجت في عقلي الباطن حكي من فاها
من حلاوة قولها لخبطت في منظومي


الوكاد اني مبادر والخفوق اهداها
وردتن من عبق ريحانن ومن يشمومي


بعدها قامت تبسم جعلني افداها
وارتسم من حبنا قلبن وفيه سهومي


هي هواي بدنيتي هي علتي ودواها
هي سعادة قلبي الي بحبها محكومي


لكن الدنيا تراها تستدير ارحاها
وكل شيِ ماهو بثابت ولاهو بيدومي


حكمت الله لأجل خلقه يوم امر وانشاها
شي لك مقسوم وشي ماهو بمقسومي


ارسلت بنت الحلال ارسالتن مبداها
ياحبيبي والله اني عايشه بهمومي


قمت ادقق بس عيني دمعها غشاها
وقمت اكرر ماقريته كني المنجومي


اثرها خطبت ولا ادري منهو الي جاها
مير ابوها يذكر انه من خيار القومي


عيّت الخيرات تودي مركبي مرساها
وانكسر مجداف حظي وعاجزن له عومي


السعاده جعلها في دربها تلقاها
والفرح من وين مالقت تشوفه يومي


والله اني لا احترمها واحترم طرياها
واحترم حبن على وضح النقا محشومي


حافظ دروب المحبه وحافظن معناها
وحافظ سلوم المحبه مثل حفظ سلومي

 

 

 

 

 

 

 

 

[الهــــــــوى]

كلمات رآئعه وذآئقه مميزه
بانتظار المزيد من ذآئقتك .

تحيآتي .

[عنود الصيد]

ابيــات مميزة..
لاهنتـي

[ذوووق ومنآآآوي]

صح لسان قايلها لاهنت

[شآسع المري]

نظم جيد وتمكن في القصيد


صح الله اللسان الناقل
ولاهان النااقل

[فهد المري]

ابدااع

تسلم يالغالي

[حلم~]

قصيدة رآئعة
صح قلبك ونبضك على جميل الأختيار
آشْكُركْ مِنْ آعمًاقْ رُوحٍي
عَالأبياتـ آلرَآئِعَة ..

[الماسـه]

صح لسانك حالي
رووووعه

[ضامي الشوق]

اقتباس المشاركة الأصلية كتبت بواسطة الهــــــــوى كلمات رآئعه وذآئقه مميزه بانتظار المزيد من ذآئقتك . تحيآتي .

يعطيك العافيه ربي

على المرور العطر

دمتى بخير

^_^

[ضامي الشوق]

اقتباس المشاركة الأصلية كتبت بواسطة عنود الصيد ابيــات مميزة.. لاهنتـي

تسلمي على المرور العذب

دمتى بالف خير

^_^