جديد غشام

[غشام البراق]

الجود


يجود من من منسب الجود مولود
ماهو غريب يجود حتيش لو جاد
البخل في الجينات ماهوب بموجود
متوارثين الجود من عصر الاجداد
وللبخل فالرجال تأثير موكود
يلقاه من بين الرياجيل نقاد
مايستوي رجال بالطيب محمود
مع واحد يبعد عن الطيب مبعاد
حاتم رحل والكل غصب له شهود
حاتم يمثل بالكرم بين الاشهاد
وعقبه ابو خوذه فلا شك معدود
والي ينادي بالعشاء راع الامجاد
والا الذي يبخل ترى مالقى زود
مثله مثل من ساد في عالم الضاد
اقولها وانا على القاف محدود
جر القلم والناس من حولي رقاد
من واحد نقفه ترى دابل كبود
ولا فاد فيه النصح والله مافاد
اصد لو ماني ترى راعي اصدود
صديت ثم صديت لكن وش عاد
لازم يحط لكل عضو له قيود
والا يقيد عند واليه بقياد
قرد الشجر صاده ترى شلة هنود
وانا معه للحين بجهاد وجهاد

 

 

 

 

 

 

 

 

[مشعل بن ردمان]

صح لسانكك وعلا شانكك سجل اعجابي بما تطرح

[نويـــــر]

صح الله لسانك ي الطيب

[غشام البراق]

صحت ابدانكم