 |
 |
 |
منذ /08-19-2015, 09:55 PM
|
#1 | |||||||||||
|
جديد محمد بن فطيس
حن بني مره وسمعتنا كماهي لا تشين ولا تبي منا صيانه سمعة ٍ مثل الذهب فالعين باهي لمعة الجدي وثباته في مكانه الفخر حق لنا هو والتباهي مزبن الخايف وحن درعه وامانه جارنا له حشمه وتقدير ماهي لا لكثرة ماله ولا للمكانه والخوي عن رفقته ماني بساهي يبشر بعزه ويبشر بحشمانه وان طرشنا حن وهو .. فينا يباهي يذهب انه شاخ من كثر اخدمانه خف نفس وعز للخوه ولاهي كون تقدير الخوي عن كل اهانه وابلنا تارد على كل الاماهي ولا تصدر وين ما تارد ضمانه ومن غدا منها ولا عين وتاهي في ظلال اوسومنا تلقا حصانه والخطر لاقيل فيه العشب زاهي ترزي اضعون ال مره في بيانه ومن على خيل ٍ صغيرات الجماهي الوظيحي ما نصيده بختلانه انتحنن له وهو فالعشب لاهي ننذره قبل لحقانه وقبضانه وان غدا فالحرب شور امر وناهي سعد والله عين من ربعي وزانه العدو نشرب دمه في كاس شاهي ولا به اهون كان كبرت من كلانه هذي افضال ٍ وهبناها الاهي و ودي احدث بها خوف عصيانه رازقي وانا اتنقا فالمشاهي اذكر افضاله ولا انكرت اشكرانه ماني اخيّرهم لكن هذا اتجاهي كل اخو شما حسبني من اخوانه سمعتي من فضل خلاقي تضاهي سمعة سهيل اليماني ولمعانه اسري الليل البهيم بنور جاهي واظرب بحظي صخر واشل دانه والعوا فالليل ما شد انتباهي اطرب لصوته واغني ليل ادانه وان نواني فارس ٍ واثق و واهي اضربه بين الحجج واسقي حصانه ولا قبل بخصم ٍ مهو قدي و راهي وان هزمني الكفو ما انكرت اهزمانه ولا اطعن المقفي ولا مقبل وفاهي كون قدهو قاطبن لاجلي بطانه ما انطح براسي سو روس الدواهي واثلم السيف الصقيل .. بخيزرانه محمد بن فطيس المري .
|
|||||||||||
|
 |
 |
|
|
|
|
|
منذ /08-24-2015, 08:31 AM
|
#2 | |||||||||
|
رد: جديد محمد بن فطيس
 اقتباس   المشاركة الأصلية كتبت بواسطة سااهر   والخوي عن رفقته ماني بساهي يبشر بعزه ويبشر بحشمانه صح لسانك  
|
|||||||||
|
|
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 10:48 PM
