الى علي العنزي

[راعي النقى]

سلام مني للعنوز وعلي مقصد سلامي
اللي له الوقفات والقاف عيا يعتني به

يا صاحبي لك من ضميري تقارير احترامي
مادام غصن القاف ميل علي لا تلتوي به

جريت موالي وغنيت لك والصوت حامي
وانته تضن القاف ياتيك دايم بالغصيبه

ان كان توظفيك للابيات خالف للنظامي
تبقى تعابيرك لما جاتنا دايم غريبه

واليوم تتحدا وانا معتلي فوق السنامي
ما ادور الا للفرايد ووقفاتي صعيبه

لا كنت رامي جاك من بين ذا العربان رامي
وان كنت حامي راح زرعك معى العالم نهيبه

ماني عدائي لا ولاني ترا شخص انتقامي
لكن من يبغى يغطي السما هذي مصيبه

الراس راسي يا عميلي وعزمي في عظامي
ماني من اللي يخفي الراس وعزومه ذهيبه

خذها معى التقدير واليوم ركز في كلامي
مادامت النظره بعيده وخطواتي قريبه