قـصـيده عن مـوقـف حصل لي في المناااام

[حمد الدوسري]

السلام عليكم ورحمة الله وبركاته
رجعنا إليكم بعد طول غياب ونعتذر على القطاعه.*

طلب مني أحد الأخوان قصيده عن حلم زارني في المنام فكتبت قصيده المقصود فيها اهمية قرائة القرآن قبل النوم وجعلت كل الأبيات تنتهي بصيغة ( آيته)

نايــم معافى فالــبدن وقلبي سلـيـم
وقــرآن ربـي ماذكـرت قـرايـتـه
وجــانــي خويِّن لي عرفته من قديم
وأثــره عــدو الله يـرفـع رايـتــه
قــرّب وشفتـه وأثره بليس الرجـيــم
يضحك ويقول أن القرايه فايته
وضربني الملعون ضربه فالصميــم
والحلم الأقشر طاولتني حكايته
قــرآن ربك ياحــمـد شيِّــن عــظـيـم
وابليس لاسـجـيــت هذي غايـتـه
فــزيــت من نومي واسمي بالرحيم
وأقــرا كــلام الـلــه وأردد آيـتــه

تحذير:: لاتنامون إلا لما تقرون الأذكار علشان مايجيكم الشيطان والجاثوم ههههههههه

 

 

 

 

 

 

 

 

توقيع : حمد الدوسري

[الماسـه]

هههههه بسم الله الرحمن الرحيم
ماشاء الله عليك وصح لسانك حمد
ابيات قمه فالجمال وهذا مو غريب على شاعر مثلك
وهلابك من بعد غيابك وان شاء الله ماتغيب مره ثانيه
وتسلم على النصيحه الله يحفظك يارب

[حمد الدوسري]

اقتباس المشاركة الأصلية كتبت بواسطة الماسـه هههههه بسم الله الرحمن الرحيم ماشاء الله عليك وصح لسانك حمد ابيات قمه فالجمال وهذا مو غريب على شاعر مثلك وهلابك من بعد غيابك وان شاء الله ماتغيب مره ثانيه وتسلم على النصيحه الله يحفظك يارب

الماسه
ارررررررحبيي لاهنتي على مرورك واقري القرآن على شان مايجيك الشيطان ههه

[متعب الثقيل]

حمد صح لسانك ،،

تكفي لاتطري الجاثوم ،، رافع ٍ ضغطي ياخوك ،،

لاهنت لاهنت ،،
،

[هيبة ملكه]

حمد الدوسري

يعطيك العافيه على الابيات الرائعه

وسلمت بنانك لاهنت ولاهان قافك

تقبل طلتي

[خالد العبيريد]

وعليكم السلام ورحمة الله وبركاته ,,

هلا ياحمد حياك الله بعد الغياب ,,

أعوذ بالله من الشيطان ومن عوانيه ,,

صح الله لساانك وصح قلبك ولاهنت ودمت بخير إن شاء الله ,,

تحياتي لك وتقديري .

[حمد الدوسري]

اقتباس المشاركة الأصلية كتبت بواسطة متعب الثقيل حمد صح لسانك ،، تكفي لاتطري الجاثوم ،، رافع ٍ ضغطي ياخوك ،، لاهنت لاهنت ،، ،

صح بدنك يامتعب والله يعينك على الجاثوم الظاهر ان كلنا في الهوا سوا ههههههه لكن مالنا الا الصبر

[حمد الدوسري]

اقتباس المشاركة الأصلية كتبت بواسطة هيبة ملكه حمد الدوسري يعطيك العافيه على الابيات الرائعه وسلمت بنانك لاهنت ولاهان قافك تقبل طلتي

صح بدنك ياهيبة ملكه
لاهنتي على مرووورك الله يحييك دوووم

[حمد الدوسري]

اقتباس المشاركة الأصلية كتبت بواسطة خالد العبيريد وعليكم السلام ورحمة الله وبركاته ,, هلا ياحمد حياك الله بعد الغياب ,, أعوذ بالله من الشيطان ومن عوانيه ,, صح الله لساانك وصح قلبك ولاهنت ودمت بخير إن شاء الله ,, تحياتي لك وتقديري .

مرحبا ياخالد يالله حيه

صح بدنك يالغالي لاهنت على مرورك يالقرم ولاهنت

[موسى ابومشهور]

الله الله الله - ياحمد وش الحلاوة والنقاوة حقيقه شاعر مبدع مبدع مبدع
وانا اشهد ان المنتدى في غيابك فقد شاعر وشعر وابداع ياحمد الدوسري
لافض فوك