العمر محسوب ,,

[خالد العبيريد]

بسم الله الرحمن الرحيم ,,

السلام عليكم ورحمة الله وبركاته ,,

ابيات تعبر عن نفسها وكلي امل ان تنول اعجابكم ,,
[poem=font="simplified arabic,5,darkred,bold,normal" bkcolor="white" bkimage="" border="double,5,darkred" type=1 line=0 align=center use=ex num="0,black""]
العمر محسوب والايام محسوبه=وانا حسابي وصل غاية مناهيها
الصبر من دون غايه نار مشبوبه=ياطول صبري وناره كيف اطفيها
مبدا سنيني مع الاحلام منصوبه=راوية ً قد توفت عند راويها
اقول حظي كبير ولاحد ٍ صوبه=كل السعاده على رجواي حاضيها
ماكنت اظن الليالي قدم مقلوبه=ولاحد ٍ على مرُها يقدر يجاريها
علقت روحي بحلم ٍ قد تقفوبه=ناس ٍ عسى الله بما جاني يجازيها
صدو ومعهم مرام القلب صدوبه=قالو غريب الهوى ماله طمع فيها
وقفت احير النظر والدمع لدروبه=واليأس يخلف رجايه عن حراويها
راحت سنين الغلا بالخير مصحوبه=والنفس وقت الشقى بالمر مسقيها
الله ليا خاطر ٍ سلواه محجوبه=مع ذكريات ٍ يعيش القلب طاريها
ذكرى ٍ على صفحة النسيان مكتوبه=أفلها والليال السود تطويها
خص ٍ ليا ذعذع الغربي على دوبه=ينعش عروق الغلا وتعيش ماضيها[/poem]


وسـلامة نواظركم وقلوبكم ,, خالد العـبيريد.