ماني مصدق جد طول غيابه

ماني مصدق جد طول غيابه

..

لا والله الا طوّل بغيبته جد=وانا احسب انه ما يطول غيابه
وانا اشهد إنه كل ما قام يبعد=ان الخفوق اولج من البعد بابه
ان كانها صده وناوي على الصد=والله ليبطي بالضماير صوابه
تبطي وانا ابطي معك يا مايس القد=واذكر معك ليلٍ صوابي سرى به
ليلٍ ثوابه قد في ضامري قد=ما انساك ياليلٍ وهذا ثوابه
لكن لك الله روح يا عل تسعد=لن كان ف الفرقى مسرّه وثابه
حتيش لو اني كثير التوجد=كثر التوجد ما يحقق اجابه
خليتني للوقت ما فيه من بد=والوقت عالقني بضرسه ونابه
وخليتني للشوق والسهد اكابد=شيخ تذكر في مشيبه شبابه
يشهد علي الله والناس تشهد=ماني مصدق جد طول غيابه

محمد بداي

المصدر: الملتقى الجماهيري للشاعر محمد بن فطيس المري