الجرح ارحم عبدالله الظفيري

الجرح ارحم عبدالله الظفيري

. اللي بقى لي مع الأيام .. وفّيته والضيق لو ينهمر تشربْه ودياني . . ماهي كبيره علي والحزن غنيته وْلاهي غريبه إذا وقتي تحداني . . الخوف -واللي تطوف الخلق في بيته- لاعشت زهرة شبابك وانت وحداني!! . . كم جرح خذْته من الأحباب.. ضمّيته وجروح قلبي زكاة لْحُبّّ خِلاّني . . مطعون؟ عاااادي ،، جفا الأقراب؟ داويته تعبان؟ مبطي ،، ردى هالحظ؟ خاواني . . صدمه؟ بسيطه ،، هَوان الحال؟ مرّيته مقرود؟ خِلقه ،، وإذا حرمان؟ عدّاني . . ما فاح همّ ٍ لك الله ما تقهويته ما مرّ حزن ٍ بغيري ما تبلاّني! . . ياما وياما من الخذلان .. عديته إلا بصاحبْ .. بعد عِشره تناساني!! . . أزريت لأنسى غيابه لين ناديته والموت لامن تجاهلني وجافاني . . وينه يجيني .. وكل عْتاب كنّيته ياليت يدري بعد فرقاه وش جاني!! . . من كنت طفل ٍ وانا أرجاه في بيته شيّبت.. واثره على هالحال خلاني! . . حتى جناح العَتَب لرضاه ذليته ماطِرْت بعده فرح من ذلّ جنحاني . . يا قلب صبرك .. ترى كل شيّ سويته ما كان أفضل من اللي كان بإمكاني . . لو بيّ قوه على الهجران؟ خليته لو بيّ ذره من النكران؟ يفداااني . . الجرح أرحم .. إذا يرجع من أغليته مجروح؟ فِدوه .. ولكن صعب وحداني! .

المصدر: الملتقى الجماهيري للشاعر محمد بن فطيس المري