ماعرفت امن البحور الا متاهات البحور ---- ولاحفظت امن الوجيه الا سواد الاقنعه

[عبدالله حمد الغامدي]

السلام عليكم ورحمة الله وبركاته هذي اول مشاركاتي بالمنتدى واتمنى ان تنال اعجابكم وان اقضي معكم اجمل الاوقات


ياغرابيل الحياة وياتناهيت الصدور ---- ماتركتيني على طول الفصول الاربعه

الحزن يلقاء على قلبي مداخيل وجسور ---- والفرح ويش الفرح لو كانت اذني تسمعه

ودي احصلي على فرصه واسميها عبور ---- والحق اللي ضاع من عمري وارده واجمعه

ماعرفت امن البحور الا متاهات البحور ---- ولا حفظت امن الوجيه الا سواد الاقنعه

ولا جنيت امن السطور الا فراغات السطور ---- ولا مشيت امن الدروب الا الدروب المفجعه

الظلام ارخى سدوله من سنين ومن عصور ---- فوق صدر (ن) مالقاء لليل صبح (ن) يقطعه

يارفيقي كان عندك راي ولا ابداي شور ---- اعطني مافي ضميرك واعتبرها منفعه

كثر مادورت اجابه تقنع القلب الصبور ---- والله اني مابعد حصلت اجابه مقنعه


عبدالله حمد

 

 

 

 

 

 

 

 

---

التعديل الأخير تم بواسطة عبدالله حمد الغامدي ; 04-04-2012 الساعة 11:38 AM سبب آخر: اضافه

[فراشة]

يارفيقي كان عندك راي ولا ابداي شور ---- اعطني مافي ضميرك واعتبرها منفعه

كثر مادورت اجابه تقنع القلب الصبور ---- والله اني مابعد حصلت اجابه مقنعه



سسسح لسانك .. لاهنت ...
تقييم + لك ودي..

[مبارك الشمري]

عز الله صدقت صح السانك كلمات قمه فروعه بنتظار المزيد
لا خلينا من طلتك طال عمرك

[موسى ابومشهور]

ارحب ارحب بشعراء الباحه وجمالها الساحر
حي الله الشاعرالرائع عبدالله بن حمد الغامدي
وحي الجزاله والابداع في شاعرنا المميز
وشرفتنا في منتدى الابداع واهلا هلابك
بسمي وبسم الزملاء في المنتدى

[عامر صالح ال شنيف]

يا هلا ومرحبا فيك أبو حمد
وصح الله لسسسسسانك وعتلا شانك
شاعر جميل وبدايه موفقه تجعلنا في انتظار القادم بكل شغف
تقبل مروري المتواضع
أخوك الصغير عامر الشنيف

[عبدالله حمد الغامدي]

اقتباس المشاركة الأصلية كتبت بواسطة فراشة يارفيقي كان عندك راي ولا ابداي شور ---- اعطني مافي ضميرك واعتبرها منفعه كثر مادورت اجابه تقنع القلب الصبور ---- والله اني مابعد حصلت اجابه مقنعه سسسح لسانك .. لاهنت ... تقييم + لك ودي..

فراشه صح بدنك واشكرك من القلب على مرورك

ولك مني كل التحايا على المرور والتقييم

[عبدالله حمد الغامدي]

اقتباس المشاركة الأصلية كتبت بواسطة مبارك الشمري عز الله صدقت صح السانك كلمات قمه فروعه بنتظار المزيد لا خلينا من طلتك طال عمرك

مبارك صح بدنك والروعه في مرورك وتشريفك

اشكرك وتحيااااااتي لك

[عبدالله حمد الغامدي]

اقتباس المشاركة الأصلية كتبت بواسطة موسى ابومشهور ارحب ارحب بشعراء الباحه وجمالها الساحر حي الله الشاعرالرائع عبدالله بن حمد الغامدي وحي الجزاله والابداع في شاعرنا المميز وشرفتنا في منتدى الابداع واهلا هلابك بسمي وبسم الزملاء في المنتدى

ابو مشهور الله يبقيك ويطول عمرك ولا عليك زود وانا اخوك

وفعلا المنتدى من قبلي منتدى ابداع ومبدعين ويشرفني التواجد فيه

بوجودك ووجود كافة الاعضاء اشكرك من كل قلبي وتحياااتي لك

[عبدالله حمد الغامدي]

اقتباس المشاركة الأصلية كتبت بواسطة عامر الشنيف يا هلا ومرحبا فيك أبو حمد وصح الله لسسسسسانك وعتلا شانك شاعر جميل وبدايه موفقه تجعلنا في انتظار القادم بكل شغف تقبل مروري المتواضع أخوك الصغير عامر الشنيف

اخوي عامر صح بدنك والله يبقيك ويعطيك الصحه والعافيه

مرورك اسعدني وشرفني اشكرررك وتحيااااتي لك

[محمد الختلان]

أبوحمد
لله دركـ على هـ/آلجزآلة
صح لسآنكـ وآعتلى شآنكـ
تقبل مروري آلمتوآضع وآعجآبي