بــس احــبّـك يـآ بـعــد حـيٍ ومـيـتـي ،

[فهد الهباش]

مسآئكم رضى ،
حبيت انزل بين يديكم هذه الأبيات ،
وأعتذر مقدما عن القصور ، الأبيات جائت سريعة ، ومن البذرة الى البذرة ،
لم أعتني كثيرا بها ، فهي هكذا كمآ جآئت ،


وا عـذاب الحـال ياللي مـا دريـتي
تحسبين ان حال قلبي مثل صيتي

كـانها بالصـيـت قـرم وعـارفـينه
بس ضيمه في حشى قـلبـه مبيتي

يظـهـر انْ حـاله مثل حال الدعاية
تنْـشـر الأخـبار ويخـبّى الفـتـيتي

لا تلـومـيـنــه ولا تستـنكـريــينـه
كـان حـبّـيـتيه قـولـي لـه شـريتي

قـولـي احبّك واحـب الحـب لاجـلك
واعشـقـك حـد الجنون المستميتي

لو سـمـع مـنّـك احـبّـك ذا جـوابـه
آه كـم كـنت اعشقـك لو مـا دريتي

ايه انا احـبّك واحـب اهـلك وناسك
والـتـراب اللـي برجلـك له وطيتي

كـان ودي قـولها واخـاف جـرحـك
كنت احسب انّك من عيوني قريتي

ايـه انـا يا بـنـت فـي حـبّـك مـتـيّـم
شارين حـبّـك وعـيـني مـا تـبـيـتي

ساهرن لـيـلـي واغــنّـي وا عــذابـي
وانـتـي بْـلا ذنب مـا كـنْـك افـتريتي

ليه عشـقـي لـك مثـل صفحـة رواية!
ابـتـدى غـيـرك وقـفّـى ما انـتـهـيتي

الهــوى يــا بــنـت للـعـاشــق مـذلـة
والّا أنا ما ارضى المذلّة لـو رضـيـتي

يـكـفـي انـي بـعـت لـعـيـونـك صبايا
عـاد بـاقـي نـبض شعري وسط بيتي

ودي امـلّـك واغـض الـطــرف عـنّـك
واتـنـاسـى عـنـك واقـول انـتـهـيـتي

بـس احـبـك واعـشقـك وشلون مدري
بــس احـبّـك يـآ بـعــد حـيّي ومـيـتـي



فــهــد،

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

---

التعديل الأخير تم بواسطة فهد الهباش ; 01-07-2012 الساعة 01:35 PM