الصبر صبر الجمل والعزم عزم الحصان

[سعيد محمد القحطاني]

بسم الله الرحمن الرحيم

أحبتي الكرام السلام عليكم
هذاه مشاركه متواضعه امل ان تحوز على رضاكم


شابت عيوني وراسي يالله المستعان‏
:::::::::والحاجه اللي على بالي تعديتها


الحاجه اللي تمنيني بها يازمان
:::::::::؛؛؛ماقلت لي يازماني وين ويدتها



تبغيني اهدم جدار الصمت واعلن علان
:::::::::وان قابلتني عيون الخلق سديتها



وانا ادري انك تحداني بيان ن عيان
::::::::::::::وان المقادير قسمه ماتحديتها



عندك خبر يازمان اني حفيد الكيان
::::::::::::لاشفت شي يهين النفس رديتها



واقطع يميني واخذ مني عهدها كمان
::::::::::::::ان كان يدي لغير الرب مديتها



الفضل ل الله ورجلي ماتخلي مكان
:::::::::ولاعمر عيني على الرديان لديتها



الصبر صبر الجمل والعزم عزم الحصان
:::::::::لو تعترضلي جبال طويق هديتها



اشوف سود الوجيه يصيبها الاحتقان
:::::::::::خص ٍ لمني على الاهداف قديتها



مادام عندي قناعه واقرب الناس خان
:::::::والزمره اللي على ذا النفس بديتها



لاماعطتني قبول ولا عطتني حنان
::::::::::::::الا الوكاد انها طلت وناديتها



قلت القاء والوعد في راس ظلع ن بيان
:::::::::وعدت على شاني القمه وعديتها



ومالت وانا مابعد تليتها بالعنان
::::::::ولاقد حدتني على الذمه وحديتها



قالت وهي تختزرني بالعيون الزيان
:::::::::::::اذاعطيت العطيه ماسترديتها




ماطت خفيف اللثام وجات عشري ثمان
:::::::::::وشدت يمني بيمناها وشديتها



قالت تطمن ترى ماللبقيه ضمان
::::::::::::::::انما تعشيتها ولا تغديتها





وعلى الود والمحبه نلتقي

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني