دويتو ترانيم المطر والشاعر خالد العتيبي

[ترانيم المطر]

[poem=font="simplified arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خالد العتيبي =
الناس واجد وانت تفرق عن الناس=بأوصافك اللي فالهـوى معجبتنـي
حسن ودلال ٍ فارق وذوق واحساس=والعفه الـلي فيـك زود اذبحتنـي
ترانيم المطر=
لكن منك اللي على القلب وسـواس=صدّر معاليق الضمـا واوردتنـي
ما عاضني في مجلسك كل الاجناس=سود النوايـا فالكـلام امرضتنـي
العام جلست صاحبي تقعد الـراس=واليوم مـن مـر الليالـي سقتنـي
حطت على قلبي ثلاثيـن متـراس=حتى نهـار العيـد مـا عايدتنـي
ناديتهـا ياغايبـه عـل لا بـاس=تعالـي الغيبـه تـرا حطمتـنـي
خالد العتيبي =
إما لحقتيني قبل قطـع الأرمـاس=والا مجاديـف السعـاده رمتنـي
واما ارحمي قلب ٍ تثنابـه اليـأس=والا ليال الحـب عنـك اخلفتنـي
ضامي لوصلك والمعاليـق يبـاس=وايام عمـري فـالشقـى علقتنـي
مال الغلا في خاطر الحب مقيـاس=لو الدروب العوج معـك اتعبتنـي
اما تتم الوصل ياعـذب الانفـاس=وتبعد هموم ٍ من غـلاك احرقتنـي
ترانيم المطر=
والا نروح وكل شي ٍ على سـاس=والذكريـات بداخـلـي شيبتـنـي
وابذكرك لا هب بالجـو نسنـاس=نسمة غلا مرت علـىّ أوخذتنـي
حطيت في قلبي عن الحب حـراس=وجتني مع النسمه غلا واعسفتنـي
تلوفني لوف القلـم وسـط كـراس=وعـن حالكـم ياغاليـه علمتنـي
واليوم طاح براس مجنونك الفاس=وعيني من إفراقك بكت واسهرتنـي
خالد العتيبي =
وحارت بي اقدامي وسافرت مكناس=وخطاي لدروب الشقى وجهتني
الله ليا طبل على القلب هوجاس=واخلف ضنون ٍ فالغرام اجبرتني
واخذت انا وياه من ضيق فـ عماس=على نجوم ٍ فالسماء سامرتني
فيها من الذكرى ثمانين نبراس=تفضح سواد اليل عن ماعطتني
هذى شعوري والمشاعر لك احباس=منها الشقى كله ولو مانصفتني
ترانيم المطر =
ولو الليال السود صلفات وشراس= ما كانها من قشرها لوعتني
ولو كانت الديره محل جيت عساس = لعيونها سرنا ولو ما دعتني
ولو كان عندي عقد للشعر من ماس = فازت قصايد غاليه عاجبتني
يا خالد انته شاعرن منت هلاس = تقدح بفكره من حلاها سبتني
حرن ولد حرن ولد صقر قرناس = اقولها ما دام راسي بمتني
اني عزيزة نفس ما ادور ادناس = سحابتي من عطرها عطرتني
بنتن عزيزه ما تصل درب الاجناس = فوق السحابه عزتي وصلتني
مالي بهرجة حااسد وهرج الافلاس = ولا عمر رجلي للرذيله رمتني
والشكر لله مغني النفس عن ناس = لو حاجتي بيديهم ما هنتني
[/poem]

 

 

 

 

 

 

 

 

توقيع : ترانيم المطر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[مجازفف]

راااااااااااااااااااااااااااااائعه

صح الله لسانكـ

[ترانيم المطر]

الروعه تواجدك لا هنت
تحياااااااااااتي

[فراشة]

صـــح لسانكــ ,, ولا هنتوا ,,
تقبلـــو مروري ...

[سعيد محمد القحطاني]

يالله ياسلاااااام ياسلاااام
اشهد شهادة حق انه تعداكم الملام ديتووو يهبل بل يجنن
الشعراء الكرام خالد العتيبي وترانيم المطر لن اقول صحت السنتكم
هذا روتين قديم ان جازت ألقصيده ام لم تجوز بل اقول بيض الله وجيهكم
لم يسبق لـــي ان تمنيت ان هذاه ألقصيده اوتلك
أوقلت ليتني معهم الا هذاه الحظه أحبائي ما اجمل الشعر حين
تسطره أقلام شاعر وشاعره بحجم اخوي خالد واختي ريم
اعذروني انا لست جدير بالرد الذي يستحقه عملكم هذا
يبقالي ان اقول الحمدالله الذي جمعكم في هذا المنتدى
الذي كل ماضاق صدري. وجدت فيه الرفيق وكل ما راق
جوي وجدت فيه الكثير والكثير الف الف شكر لكم
تقبلوا. تحيات واتقدير أخوكم سعيد والله دركم

[قطري طيب]

صح السان من قال

[ضامي الشوق]

صح لسان الشاعرين

يعطيكم العافيه

روووووووعه

[خالد العبيريد]

الله ياترانيم المطر عانقت السحاب المراويح هههههههه

صح صح الله لساااااانك وصح قلبك وكلك ولاهنتي عزالله وقفت على عظم وساق الابيات ولابقى شي لو اختلف موضوعها فالاخير لكن ابداع وفكر راقي جدا ً جدا ً ماشاء الله عليك ,,

كل الشكر وكل التقدير والاخلاص لك .

[خالد العبيريد]

اخوي مجازف + سعيد محمد + عزام + فراشه + ضامي + قطري طيب ,,

حيااااااكم الله بحضوركم المضئ واطراءكم العذب ولاهنتم وبارك الله فيكم جميعا ً ,,

محمد اشكرك شكر خاص ولاعليك زود ,,

جميعا ً خالص تحياتي ووافر احترامي لكم .

[محمد الوريكي]

مشاء الله تبارك الله عينين براس واحد
خالد ونعم بولد العم سنايدي ارقى سنود لبى قلبك
ترانيم احلا دوتو والله انكم مكسب للمنتدى لاهنتو
وعسا مانخلا منكم وشرواكم
سلمتو ولاهنتو
احلا تقييم لاحلا اثنين++++