[ضامي الشوق]

فزيت يوم اطريك عندي وصديـت ..
.. عن عبرتي خايف يشوفـون ماهـا

هيضت قلبٍ في بروجـه تعاليـت ..
.. واضميت روحي يابعد من ضماهـا

كانك تغلا عن حبيبك واليـا جيـت ..
.. تكويه في نظـرة عيونـك لظاهـا

خاب الرجاء في عشقتي آه ياليـت ..
.. اقوى على نفـسٍ وصالـك مناهـا

خذيت بعيونـك غرامـي وقفيـت ..
.. واقفت وراك الروح تتبـع هواهـا

ابي احتمل واخفي شقايه اليا اطريت ..
.. وابكي لحالـي ياحسايـف غلاهـا

ابي احتمل جرحين بفرقاك يالميـت ..
.. ابي اتعزى وابي ارجيـك بعزاهـا