(( لكـ م روعة محمد بن فطيس ))
ماكني اعرفه ولاكني ابغيه
وأنا عليه من امه أحب واجرى
ياكثرها تسليمتن يوم ألاقيه
لي عين تكتبله وله عين تقرى
وان حل طاريه تجاهلت طاريه
ماكني ادري عنه وانابه ادرى
بسكات يغليني وانا حيل مغليه
لاتيلفون ,, ولامواعيد غدرى
يصون ودي عن عذوله وحاميه
وأنا عليه احجى من القلب وأذرى
حبن عفيفن والصراحه سواقيه
في وقتنا ماظنتي زيد يطرى
لاسولف بحبه ولانيب كانيه
وغيري لو إنه يوالفه كان هذرى
احشم قريبه حشمتن له واداريه
واخشى يجي في خاطره شي وادرى
لايحسب إني يوم قفيت ناسينه
لعيونه إني ماتحاليت عذرى
ليت الزمن يرجع وأنا اعلمه ليه
والا الحظوظ من المقابيل تشرى
كل العذارى في الوفا ماتساويه
كنه اليمين وباقي الغيد يسرى
قولو له إني مارتضي بالبدل فيه
لامال قارون ولاعرش كسرى
يرتاح ماغيره ملا عين هاويه
غلاه نهر النيل والقلب مجرى
وأكبر دليل إني لاغاب احاتيه
كم ليلتن ماتت على كف مسرى
وانا قالو انه شرق وازريت لاجيه
وجهت وجهي كل مانمت حدرى
وووسلامتكم ,, (مالنا علاج يابوحمد) :d
| توقيع : آلريم آللعـوب |
{{ اللهـم .. إنــي قد آشتقققت لـ روح لن ترجـع أبـدآ فـ آسألك اللهـم أن تسكــنـه جنتـك وأن تجمعنـي به مع نبيك ... }}
<!-- google_ad_section_end --><!--\ sig --> * [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
<!-- google_ad_section_end --><!--\ sig -->
|
