السلام عليكم ورحمة الله وبركاته
اسعد الله صباحكم بكل خير اليكم هذا النص المتواضع وارجو ان ينال استحسانكم
ورضاكم
يا صاحبي صبري من اليوم وقف ....... ما باقي الا تالي الا حتياطي
اقـوم واقـعـد والتفت و آتفــف ......... وطـى عـلى قلبي من الهم واطي
ما عاد لي في مجتمع ديرتي شف ....... انهيت منهم خدمتي وارتباطي
ابعدت منهم وادعس شوي واخف ...... ولا معي الا مسندي والبساطي
ناس ما غير تخيط وتدور وتلف ....... ما عندها الا الحش والا الهياطي
الي تعاملهم مع الناس مجحف ....... ما عاد ينفع معهم الا ختلاطي
اسهرودمعي بين الاهداب ماجف ...... كني على ما قيل صاحب تعاطي
وادف فكري في بحرهاجسي دف ...... وابحر ولكن دون مرفا وشاطي
ودي على ديرة نظر عيني اهف ...... اللي مكانه بين الاضلاع ساطي
اروح له وانا من الشوق مختف ..... والقى بقربه راحتي وانبساطي
بمد له قلبي على راحت الكف ...... وبقول له من دون أي اشتراطي
انا وشوقي والغلا والوفاء صف. ... نعلن لك الاخلاص والانظباطي
الصبر من كثر التفاكير وقف ..... والله يستر يلحقه الاحتياطي
وسلامكتم
