الملتقى الجماهيري للشاعر محمد بن فطيس المري - عرض مشاركة واحدة

#1 06-21-2011, 06:08 PM

♥♫ على النية ولالي بغير : حالي ..!! ♫♥

..
السلام عليكم
وطابت أُمسياتكم بالحب ، وما يرضي الرب

قصيدتي الأولى بين قاماتكم
ولعلها تنال شرف إعجابكم..:

على النيه ولالي بغير حالي
ولالي غير ربٍ ارتجيــــــله

وامشي بس ع الله اتكالي
ادور ع الفضيله بـ الفضيله

واتنحى عن اللي مو حلالي
مخافة يوم يتزايد عويلــــه

اراقب بالهدى سكة ظلالي
مادام الشر خطواته عليله

رموني بالخطا لكثرة جدالي
وليت لدحرهم باليد حيـــله

وليت اللي وصمني بـ انتحالي
تذكر كل ذنبٍ هو يشيله

تخالط عندهم جد وهزالي
وراموا الفوز من قولٍ وقيله

عسى منهو يقول وما يبالي
يلاقي ما يقوله في حصيله

وانا هالصبر عندي راس مالي
ولعل الله يعجل بـ الجميله !!

..
بـ مداد أختكم :
أسطـ الحـ ـب ـورة ..!!

المصدر: الملتقى الجماهيري للشاعر محمد بن فطيس المري