[عزيز نفس]

يامل قلبٍ هام وأهتم وأنقاد
ماعاد لي حيله ولا هو بيدي
حب الصغير الي هله صاروا أضداد
ضدي وقلبي صار يا ناس ضدي
هام ورماني في متاهات وأبعاد
والخل طبعه دايم مستبدي
حبه ملكني ساد في داخلي ساد
ملكه تعدى حدود حبي وصدي
هو بعد عندي فلذات الأكباد
ياليت ما شفته ولا جاء بحدي
حطم حياتي مثل تحطيم بغداد
بيدين جند العاصفة ما تهدى
أذعنت للواقع وأنا كلي أعناد
وأنا بالأول قابلٍ بالتحدي
واليوم أنا في ذمتك يابن الأجواد
أسير قتلي كان بيديك ودي
طبع الهوى بين الملا اسرالأسياد
اسر القلوب اللي بها الحب جدي