مبارك ال خليـــفه ,, ياناقــش الحنّــا,,

السلام عليكم ورحمة الله

قصيدة الشاعر المميز /مبارك ال خليفـه


[youtube]يا ناقش الحنّا على كفك الزين
كفك عذاب قلوب من غير حنّا
اخلفت عقّال العرب والمجانين
خلق الله تباريك منّا ومنّا
وعادك تمشّى في المحلات ببزين
وتغريف وبرموش عينك تجنّا
بنظرتك ترسلهم يسار ويمين
احد ٍ تبنّج معك واحد ٍ معنّا
يدبك وحظّه خابره دايما ً شين
ما قد خبرته في المدابك تهنّا
يشكي على الاقصين منّك و الادنين
وشكا علينا منك حتى فتنّا
وجينا نتفرج مثل باقي المعنّين
اللي شكا واللي لعيناك غنّا
حنااجتمعنا فوق سته وعشرين
وكل ٍ يجهّز جيش غزوة مهنّا
وجنّا البني المترفات المزايين
ولا التفتنا صوبهن يوم جنّا
الناس مثلك فيهم رجيل وايدين
بس انت غير ومنوة اللي تمنّا
كفك لحاله يجعل القاسي يلين
تومي على البزران ونطيح حنّا !!
شي ٍ جرى صاحين والا خبالين
لكن عسى الله يرفع الذنب عنّا

وسوالــم ,, تحيتي

المصدر: الملتقى الجماهيري للشاعر محمد بن فطيس المري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

<!-- google_ad_section_end --><!--\ sig -->