لو السما تدرك حزن شخص فالقاع
في ذمتي تمطر من الدمع غيمه
القلب مات ولابقى للصبر بآع
واهموم قلبي مبطيآت وقديمه
يانفس صبرك مابقى للبكى داع
وانتي على خبري صبوره حليمه
شيلي معي حمل الشقى والتوجاع
وانا على خبرك خصيم الهزيمه
احاول اخفي لوعتي بس ماطاع
حزن ٍ براني مانفعت فيه شيمه
ياصدر تكفى مدني بالرخى صاع
انا معك خل ٍ ينادب نديمه
خلاص انا ماعاد لي قلب ينصآع
الحزن حاتم والعواقب وخيمه
طعنة قدر من كف صاحب بالأضلاع
طلاب دم ومادرى من خصيمه
مدري متى برتاح وتزين الاوضاع
ويطير طيري واقتنع بالهزيمه. »»
