قالوا خالد وش بلاك...وش هو آخرها معاك
طنش تعش تنتعش
يعني كذا بالمختصر...خلك هناك وانثبر
إبلا لقافه تنبلش
مالك شغل بلي هناك...ووقف هنا وش وراك
أحسن ترى بتفرش...طنش تعش تنتعش
تحمد الله وتوكل... وأبلع العافية ورحل
شكلك تبي تنلطش ...على وجهك يا عفش
وش دخلك بالمنكر...خلنا نزني ونسكر
ونفلها قد ما نقدر...ونصيع هنا وندشر
ونضيع عنا هالطفش...طنش تعش تنتعش
لا تحبكها في سوالف...خلي حالك من شايف
حكمه نسمعها كثير...للأسف ومن كبير
شيخ ومسئول وأمير...من تكون ومن تصير
لا تقلب هالعواصف...
خلي الناس تنبسط...كافي وحنا ننحبط
فك عنا يادبش...طنش تعش تنتعش
ألزم حدودك ووقف...تراك والله مقرف
مسوي فيها مطوع ...روح للمسجد وسمع
لا تقول لي حرام...وش لك بذا الكلام
أمس وأنت منكفش...تطالع البنت ومرتبش
واليوم تخاصم يا سلام...تغلط وتجرح بالكلام
بطل عنك ه البكش...طنش تعش تنتعش
