غطي طرف ساقك لا اسوي جريمه
............والا اكشفــي باقيـه خلينـي ارتـاح
ليت البحر يا بنت يفهم غريمه
..........لا ارمي عليك القلب ويجيك سباح
مير البلاء خفت البحر لا يـهـيـمـه
............ويضيع مقصودي وقلبي بها راح
انتي وانا في حال ربي يديمه
............خليني اشبع شوف والهم ينزاح
لولاي اخاف الله واخاف الوخيمه
...........واخاف من دمعن على الخد فضاح
لا اجيك بين ايديك واقول يا فلانه
..........انا عشقتك جد مانيب مزاح
شفتك ملاك وللبحر صار قيمه
...........عطرك معا موج البحر صار فواح
ابكي ونفسي يا الحبيبه سقيمه
...........تكفين مابي يرجع القلب بجراح
قلبي يدور فيك ماضي نعيمه
............لا تعذبين القلب وتضيع الافراح
لا ياعذاب الروح كوني رحيمه
............انا غريب وللبحر جيت سواح
ساعات واطعون الفراق الاليمه
............تجي بقلبي واقضي الليل بصياح
لبيه يامن له بقلبي حشيمه
...........ساقه على سطح البحر نور وضاح
تكفين ابي نظره لوجهك يتيمه
.........نظرة حنان وشوق يمكني ارتاح
